குடியரசு தின விழா கொண்டாட்டம் வரும் 26-ம் தேதி காமராஜர் சாலையில் உழைப்பாளர் சிலை அருகில் கொண்டாடப்படவுள்ளது. இதை முன்னிட்டு ஜன,.26 மற்றும் குடியரசு தின ஒத்திகை நாட்களான ஜன,.20, 22, 24 ஆம் தேதி ஆகிய 4 நாட்களுக்கு கீழ்கண்ட போக்குவரத்து ஏற்பாடுகள் செய்யப்பட்டு உள்ளது.

# மேற்கண்ட நாட்களில் காமராஜர் சாலையில் காந்தி சிலையில் இருந்து போர் நினைவு சின்னம் வரை காலை 05:00 மணி முதல் நிகழ்ச்சி முடியும் வரை வாகனங்கள் அனுமதிக்கப்படமாட்டாது.

# அடையாறு பகுதியில் இருந்து காமராஜர் சாலையில் பிராட்வே நோக்கி போகும் சரக்கு மற்றும் வணிக வாகனங்கள் கிரின்வேஸ் சாலை சந்திப்பிலிருந்து ஆர்கே.மடம் சாலை, விகே.ஐயர் சாலை, தேவ நாதன் சாலை, செயின்ட் மேரிஸ் சாலை, ராமகிருஷ்ணா மடம் சாலை, லஸ் சந்திப்பு, வஸ் சர்ச் சாலை, கற்பகாம்பாள் நகர், சிவசாமி சாலை, அண்ணா சாலை வழியே பிராட்வே சென்றடையலாம்.

# அடையாறு பகுதியில் இருந்து காமராஜர் சாலையில் பிராட்வே நோக்கி போகும் பிற வாகனங்கள் (மாநகர பேருந்துகள் உட்பட) காந்திசிலை சந்திப்பில் இராதாகிருஷ்ணன் சாலை நோக்கி திருப்பப்படும். இராயபேட்டை ஒன்பாயிண்ட், ராயபேட்டை மருத்துவமனை, இராயப்பேட்டை மணிக்கூண்டு, ஜெனரல் பீட்டர்ஸ்ஸ்ஸ் ரோடு, அண்ணாசாலை வழியே பிராட்வே சென்றடையலாம்.

# மயிலாப்பூர் சந்திப்பில் இருந்து சிவசாமி சாலை வழியே காந்தி சிலை நோக்கி வரும் மாநகர பேருந்து வழித் தடம் எண். 21G இராயப்பேட்டை நெடுஞ்சாலை, இராயப்பேட்டை மேம்பாலம் நோக்கி திருப்பி விடப்பட்டு, அவை இராயப்பேட்டை மேம்பாலம், இராயப்பேட்டை நெடுஞ்சாலை, இராயப்பேட்டை மணிக்கூண்டு, ஜெனரல் பேட்டர்ஸ் ரோடு, அண்ணாசாலை வழியாக பிராட்வே சென்றடையலாம்.

# அதேபோல் மயிலாப்பூர் சந்திப்பில் இருந்து சிவசாமி சாலை வழியே அண்ணா சதுக்கம் நோக்கி வரக்கூடிய மாநகர பேருந்து வழித்தடம் எண். 45B மற்றும் 12G போன்றவை நீல் கிரிஸ் சந்திப்பு, மியூசிக் அகாடமி, இராயபேட்டை மருத்துவமனை, இராயப்பேட்டை மணிக்கூண்டு, ஜெனரல் பேட்டர்ஸ் ரோடு, அண்ணாசாலை வழியே தற்காலிக பேருந்து நிறுத்தமான சிந்தாதரிப்பேட்டை இயில் நிலையம் போகலாம்.

# டாக்டர் நடேசன் சாலை மற்றும் அவ்வை சண்முகம் சாலை சந்திப்பு வழியே காமராஜர் சாலை நோக்கி வரும் வாகனங்கள் ஐஸ் அவுஸ் சந்திப்பு நோக்கி திருப்பிவிடப்படும்.

# டாக்டர் பெசன்ட் சாலையிலிருந்து காமராஜர் சாலை நோக்கி வரும் வாகனங்கள் பெசன்ட் சாலை ரவுண்டானாவில் ஐஸ் அவுஸ் நோக்கி திருப்பிவிடப்படும்.

# பாரதி சாலை மற்றும் பெல்ஸ்ரோடு சந்திப்பில் காமராஜர் சாலை நோக்கி வரக்கூடிய வாகனங்கள் பாரதி சாலை, பெல்ஸ் ரோடு சந்திப்பில் பெல்ஸ் ரோடு நோக்கி திருப்பிவிடப்படும்.

# வாலாஜா சாலை மற்றும் பெல்ஸ் ரோடு சந்திப்பில் உழைப்பாளர் சிலை நோக்கி வரக்கூடிய வாகனங்கள் (மாநகர பேருந்து தவிர்த்து) பெல்ஸ் ரோடு வழியே திருப்பி விடப்படும்.

# அண்ணா சதுக்கம் அருகிலுள்ள பேருந்து நிறுத்தம் தற்காலிகமாக சிந்தாதிரிப் பேட்டை ரயில் நிலையம் அருகே மாற்றப்படும்.

# பாரிமுனையில் இருந்து ராஜாஜி சாலை மற்றும் காமராஜர் சாலை வழியே அடையாறு நோக்கி போகும் அனைத்து வாகனங்களும் ரிசர்வ் வங்கி சுரங்க பாதையில் திருப்பி விடப்பட்டு, ராஜா அண்ணாமலை மன்றம் வழியாக வாலாஜா பாயிண்ட், அண்ணாசாலை, அண்ணாசிலை, வெஸ்ட் காட் சாலை, GRH இராயபேட்டை ஒன் பாயிண்ட், நடேசன் சாலை, காரணீஸ்வரர் பகோடா தெரு, சாந்தோம் சாலை வழியாக அடையாறு சென்றடையலாம்.

# வாலாஜா பாயிண்ட் மற்றும் அண்ணாசாலை சந்திப்பில் இருந்து போர் நினைவுச்சின்னம் நோக்கி வாகனங்கள் வர அனுமதி இல்லை