மத்தியப் பிரதேசத்தின் இந்தூரில், ஒரு தொழிலதிபர் தனது மனைவிக்கு எதிராகத் தாக்கல் செய்த விவாகரத்து (Divorce) மனு, அவர் தனது காதலியின் பெயரை டாட்டூ (Tattoo) குத்திக் கொண்டதால் தள்ளுபடி செய்யப்பட்டுள்ளது.

இந்தத் தொழிலதிபர் ரகசியமாக டாட்டூ குத்தி, அதனை இன்ஸ்டாகிராமில் பதிவிட்டு, பின்னர் நீதிமன்றத்தில் மறைக்க முயன்றார். கையில் டாட்டூவைக் காட்ட மறுத்ததால், இவருடைய திருமணத்திற்குப் புறம்பான உறவு அம்பலமானது.

2011-இல் திருமணம் செய்த இந்தத் தம்பதிக்குக் குழந்தையும் உள்ளது. மனைவியின் கூற்றுப்படி, பட்டியலினத்தைச் (Scheduled Caste) சேர்ந்தவர் என்பதால், கணவர் மற்றும் அவரது குடும்பத்தினர் அவரைத் தொடர்ந்து கொடுமைப்படுத்தியதுடன், ₹10 லட்சம் வரதட்சணைக் கேட்டுத் துன்புறுத்தியுள்ளனர்.

இது குறித்துப் போலீஸ் நிலையத்தில் வழக்குப் பதிவு செய்யப்பட்டு, மாமனார் மற்றும் மாமியார் ஜாமீனில் உள்ளனர். 2020-இல் கணவர் விவாகரத்துக் கோரி மனுத் தாக்கல் செய்தபோது, மனைவி தனது வெண் படைகள் (Vitiligo) நிலையை மறைத்துவிட்டதாகக் பொய்க் குற்றச்சாட்டு வைத்தார்.

ஆனால், திருமணப் புகைப்படங்களை மனைவி ஆதாரமாகக் காட்டியதால், அது பொய்யானது என நிரூபணமானது. டாட்டூ விவகாரம், கணவரின் உண்மையற்றத் தன்மையையும் போலியானக் குற்றச்சாட்டுகளையும் நீதிமன்றத்தில் வெளிப்படுத்தியது.