பொன்முடிக்கு எதிரான புகார்கள் முடித்து வைப்பு குறித்து அறிக்கை தருக – தமிழ்நாடு அரசுக்கு சென்னை உயர்நீதிமன்றம் உத்தரவு பிறப்பித்துள்ளது.

சென்னை உயர்நீதிமன்றம், சைவ, வைணவ சமயங்களையும், பெண்களையும் பற்றிய இழிவான கருத்துகள் தொடர்பாக எழுந்துள்ள புகார்களில், முன்னாள் அமைச்சர் பொன்முடிக்கு எதிராக தமிழக அரசால் மேற்கொள்ளப்பட்ட நடவடிக்கைகள் குறித்து விளக்கமளிக்க உத்தரவிட்டுள்ளது.

பொன்முடிக்கு எதிராக மொத்தம் 115 புகார்கள் பெறப்பட்டுள்ளதாக அரசால் தெரிவிக்கப்பட்ட நிலையில், இதில் 71 புகார்கள் முடித்து வைக்கப்பட்டுள்ளதாகவும், அதற்கான காரணங்களை விளக்கும் அறிக்கையை தாக்கல் செய்ய வேண்டும் என்றும் நீதிமன்றம் தெரிவித்துள்ளது.

மேலும், இந்த முடித்துவைப்புகள் உரிய புகாரளிப்பாளர்களின் ஒப்புதலுடன் மேற்கொள்ளப்பட்டதா என்பதை உறுதி செய்ய வேண்டும் எனவும், அனைத்து தகவல்களும் முழுமையாக வழங்கப்பட வேண்டும் எனவும், தமிழக அரசுக்கு நீதிமன்றம் வலியுறுத்தியுள்ளது.