தமிழ்நாடு அரசு தலைமைச் செயலகத்தில், முதலமைச்சர் விஜயின் அலுவலக அறை இடமாற்றம் செய்யப்பட உள்ளதாக வெளியாகி இருக்கும் செய்தி, தற்போது அரசியல் வட்டாரத்திலும் தலைமைச் செயலக அதிகாரிகளிடையேயும் மிகப்பெரிய விவாதத்தையும் பரபரப்பையும் ஏற்படுத்தியுள்ளது.
சென்னையில் புனித ஜார்ஜ் கோட்டை வளாகத்தில் அமைந்துள்ள பிரதான கட்டிடத்தில்தான் இதுவரை முதலமைச்சர் அலுவலகம் செயல்பட்டு வந்தது. இந்நிலையில், இட நெருக்கடி மற்றும் நிர்வாக வசதிகளைக் கருத்தில் கொண்டு, முதலமைச்சரின் அலுவலகத்தை அதே வளாகத்தில் உள்ள 10 அடுக்குகள் கொண்ட நாமக்கல் கவிஞர் மாளிகைக்கு மாற்றத் திட்டமிடப்பட்டுள்ளது.
இதன்படி, நாமக்கல் கவிஞர் மாளிகையின் 10-வது தளத்தில் முதலமைச்சர் விஜயின் புதிய அலுவலகம் அமைய உள்ளது. இதற்காக 10-வது மாடியில் செயல்பட்டு வந்த கூட்ட அரங்கில் இருந்த இருக்கைகள் அனைத்தும் அதிரடியாக அகற்றப்பட்டு, புதிய அலுவலகம் அமைப்பதற்கான பணிகள் அசுர வேகத்தில் தீவிரமாக நடைபெற்று வருகின்றன.
மேலும், முதலமைச்சர் அலுவலகம் மட்டுமன்றி, ஒட்டுமொத்த தலைமைச் செயலகத்தையும் வேறு இடத்திற்கு மாற்றம் செய்வது குறித்தும் ஆலோசிக்கப்பட்டு வருவதாகத் தகவல்கள் வெளியாகியுள்ளன. இந்தத் தகவல் கோட்டை வட்டாரத்தில் பெரும் அதிர்வலைகளையும் விவாதங்களையும் கிளப்பியுள்ளது.
