கல்வி நிலையங்கள் மற்றும் வழிபாட்டு தலங்கள் அருகே இருக்கும் டாஸ்மாக் கடைகளை உடனடியாக மூட வேண்டும் என்று ஆய்வுக் கூட்டத்தில் முடிவு செய்யப்பட்டது. டாஸ்மாக் மாவட்ட அதிகாரிகளுடன் அமைச்சர் செந்தில் பாலாஜி தலைமை செயலகத்தில் ஆலோசனை நடத்தினார். அதில் மூடப்பட வேண்டிய டாஸ்மாக் கடைகள் குறித்து கணக்கெடுக்க உத்தரவிடப் பட்டது. மேலும் சட்டவிரோத மதுக்கூடங்கள் இயங்குகிறதா என்று கண்காணிக்கவும் உத்தரவிடப்பட்டது.