தாமதமாகத் தூங்குபவர்களே இரவு 11 மணிக்கு மேல் படுக்கைக்குப் போகும் பழக்கம் இதய நோய் வரும் வாய்ப்பை 60 சதவீதம் அதிகரிக்கும் என புதிய ஆய்வு எச்சரிக்கை விடுக்கிறது.

ஃப்ரண்டியர்ஸ் இதழில் வெளியான இந்த ஆராய்ச்சி, வார நாட்களில் நள்ளிரவுக்குப் பிறகு தூங்குபவர்களுக்கு ஹார்ட் அட்டாக் ஆபத்து அதிகம் என்கிறது.

உடலின் உள் கடிகாரம் (சர்க்காடியன் ரிதம்) பாதிக்கப்படுவதால் ரத்த அழுத்தம் உயர்வு, ஹார்மோன் சமநிலை குலைவு, வீக்கம் போன்றவை ஏற்பட்டு இதயத்தை பலவீனப்படுத்தும். 4,500 பெரியவர்களின் தூக்க பழக்கத்தை 10 ஆண்டுகளுக்கும் மேலாக கண்காணித்த இந்த ஆய்வு, 10:01 முதல் 11 மணிக்குள் தூங்குபவர்களே ஆரோக்கியமானவர்கள் என நிரூபிக்கிறது.

வார நாட்களில் மட்டும் தாமதமாகத் தூங்கி காலையில் அவசரமாக எழுந்தால் இதயத்தின் சுமை பன்மடங்கு அதிகரிக்கும். 10 மணிக்கு முன்பு தூங்குவதும் சற்று ஆபத்து என ‘யு’ வடிவ விளைவை ஆய்வு காட்டுகிறது.

தீர்வாக, தினமும் ஒரே நேரத்தில் தூங்கி எழுந்தல், காஃபின்-கனமான உணவு தவிர்த்தல், காலை வெயில் படுதல், ஸ்கிரீன் நேரம் குறைத்தல், புத்தகம் படித்தல், இசை கேட்டல், சூடான குளியல் போன்றவை பரிந்துரைக்கப்படுகின்றன.

படுக்கையறை குளுமை, அமைதி, இருட்டாக இருக்கட்டும்; தூக்க பிரச்சினை இருந்தால் மருத்துவரை அணுகவும் – இவை அனைத்தும் இதயத்தை காக்கும் எளிய வழிகள்.