கோவையில் மக்கள் நடமாட்டம் மிகுந்த நிர்மலா கல்லூரி அருகே சிறு குழந்தையைக் கடத்த முயன்ற சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. கடத்தல்காரன் குழந்தையைப் பிடிக்க முயன்றபோது, அருகே இருந்த மற்றொரு குழந்தை கூச்சலிட்டுள்ளது. குழந்தையின் சத்தம் கேட்டு உடனடியாக விரைந்து வந்த அக்கம் பக்கத்தினர் மற்றும் பொதுமக்கள், கடத்தல்காரனை மடக்கிப் பிடித்து காவல்துறையிடம் ஒப்படைத்தனர்.

பட்டப்பகலில், கல்லூரி மற்றும் பொதுமக்கள் நடமாட்டம் அதிகமாக இருக்கும் ஒரு முக்கிய பகுதியில் துணிச்சலாக நடைபெற்றுள்ள இந்த கடத்தல் முயற்சி அப்பகுதி மக்களை பீதியில் ஆழ்த்தியுள்ளது. குழந்தைகள் பாதுகாப்பாக வெளியே செல்ல முடியாத சூழல் நிலவுவதாக பெற்றோர்கள் அச்சம் தெரிவிக்கின்றனர்.

சம்பவம் குறித்து வழக்குப்பதிவு செய்துள்ள காவல்துறையினர், பிடிபட்ட நபரிடம் தீவிர விசாரணை மேற்கொண்டு வருகின்றனர். அவர் தனியாக இந்தச் செயலில் ஈடுபட்டாரா அல்லது இதன் பின்னணியில் ஏதேனும் கடத்தல் கும்பல் உள்ளதா என்ற கோணத்திலும் விசாரணை முடுக்கப்பட்டுள்ளது.

“>

பொதுமக்கள் அதிகம் கூடும் இடத்திலேயே இதுபோன்ற குற்றச் சம்பவங்கள் அரங்கேறுவது மாநிலத்தில் சட்டம் ஒழுங்கு சீர்கேட்டையே காட்டுவதாக சமூக ஆர்வலர்களும் பொதுமக்களும் குற்றம்சாட்டுகின்றனர். மக்கள் நடமாட்டம் உள்ள பகுதிகளில் ரோந்து பணியை தீவிரப்படுத்தி, குற்றவாளிகள் மீது கடுமையான நடவடிக்கை எடுக்க வேண்டும் என கோரிக்கை வலுத்து வருகிறது.