பிரபலமான கார்ட்டூன் நிகழ்ச்சியான “டாம் அண்ட் ஜெர்ரி”யை குழந்தைகள் முதல் பெரியவர்கள் வரை ரசிப்பதுண்டு. ஆனால், இரண்டு பூனைகள் இந்த கார்ட்டூனை மிக உன்னிப்பாக ரசித்துப் பார்க்கும் ஒரு வீடியோ தற்போது சமூக ஊடகங்களில் வைரலாகி, பலரது முகத்தில் புன்னகையை வரவழைத்துள்ளது.

சமூக ஊடகங்களில் வேடிக்கையான விலங்குகளின் வீடியோக்கள் அடிக்கடி வைரலாகும் நிலையில், இந்த அரிதான மற்றும் அழகான காட்சி இணையத்தில் பரபரப்பை ஏற்படுத்தியுள்ளது.

வைரலாகும் அந்த வீடியோவில், டி.வி-யில் ஓடிக் கொண்டிருக்கும் “டாம் அண்ட் ஜெர்ரி” கார்ட்டூனைப் பூனைகள் இரண்டும் வசதியாகப் பார்த்துக் கொண்டிருப்பதைக் காணலாம். ஒரு பூனை தூங்கும் நிலையிலும், மற்றொன்று அதன் மேல் படுத்தபடியும் மகிழ்ச்சியுடன் திரையைப் பார்த்துக் கொண்டிருக்கிறது.

“>

 

அவை இரண்டும் மிகவும் உன்னிப்பாகப் பார்க்கின்றன, குறிப்பாக கார்ட்டூனில் வரும் டாம் மீது அனுதாபம் கொள்வது போல அவற்றின் பாவனைகள் உள்ளன. இந்த அப்பாவித்தனமான காட்சி, “டாம் அண்ட் ஜெர்ரி” ஜோடி மனிதர்கள் மட்டுமல்ல, விலங்குகள் உட்பட அனைவரின் இதயத்தையும் ஆளுகிறது என்பதை நிரூபிக்கிறது.