செய்தியாளர்களிடம் பேசிய முக்குலத்தோர் புலிப்படை நிறுவனர் கருணாஸ், நாடாளுமன்ற தேர்தலில் கூட்டணிக்கான முடிவு இன்னும் எட்டப்படவில்லை. ஏனென்றால் யாரு யாரு என்ன எதுங்கிறது ? இன்னும் சரியா விளங்காம இருக்கு. எங்களை பொறுத்தவரை…  எங்களுடைய பிரதானமான கோரிக்கை,  ஒட்டுமொத்த தமிழ்நாட்டில் ஜாதி ரீதியான கணக்கெடுப்பை நடத்த வேண்டும்.

அப்படிங்கறதுதான் கடந்த 5  ஆண்டுகளாக சட்டமன்றத்தில் நான் பலமுறை வலியுறுத்தி வரும் கோரிக்கை. அந்த கோரிக்கையை வலியுறுத்தி தான் இப்போது தமிழகம் முழுவதும் சுற்று பயணத்தை முக்குலத்தோர் புலிப்படை சார்பாக செய்து கொண்டிருக்கிறோம்.

ஜாதி ரீதியான கணக்கெடுப்பு நடத்தப்படும் பட்சத்தில் மட்டும் தான் உண்மையான சமூக நீதி இங்கு காக்கப்படும் அப்படிங்கறது எங்களுடைய கருத்து. மக்களுடைய எண்ணிக்கையின் அடிப்படையில் அதுல கல்வி ரீதியாக, பொருளாதார ரீதியாக, பின்தங்கி இருக்கக்கூடியவர்களுக்கு இடஒதுக்கீடு  சரியாக சென்றடையும்.

அதனால பீகாரை போல உடனடியாக தமிழகத்திலும்,  பல நூறு ஆண்டுகளாக சமூகநீதியை காக்கக்கூடிய மாநிலம் என்று சொல்லக்கூடிய இந்த அரசு,  உடனடியாக ஜாதி ரீதியான கணக்கெடுப்பை நடத்தி அதை வெளியிட வேண்டும் என்பதை வலியுறுத்தி நான் எல்லா சமுதாய மக்களையும் சந்தித்து பேசிக்கொண்டு இருக்கின்றேன் என தெரிவித்தார்.