தமிழக சட்டமன்றத் தேர்தல் களம் உச்சகட்ட பரபரப்பை எட்டியுள்ள நிலையில், அதிமுக தனது இரண்டாம் கட்ட வேட்பாளர் பட்டியலை அதிரடியாக வெளியிட்டுள்ளது. ஏற்கனவே முதற்கட்டமாக 23 தொகுதிகளுக்கு வேட்பாளர்களை அறிவித்திருந்த நிலையில், இன்று மேலும் 127 தொகுதிகளுக்கான வேட்பாளர் விவரங்களை கட்சித் தலைமை அதிகாரப்பூர்வமாக அறிவித்துள்ளது.

மொத்தம் உள்ள 234 தொகுதிகளில் அதிமுக நேரடியாக 168 இடங்களில் களம் காண்கிறது; மீதமுள்ள 66 தொகுதிகள் கூட்டணிக் கட்சிகளுக்கு ஒதுக்கப்பட்டுள்ளன.

அடுத்த மாதம் 23-ம் தேதி தேர்தல் நடைபெற உள்ள சூழலில், வேட்பாளர்களை முன்கூட்டியே அறிவித்து அதிமுக தேர்தல் பணிகளில் வேகம் காட்டி வருகிறது.

இந்தப் பட்டியலில் புதுமுகங்களுக்கும், அனுபவம் வாய்ந்த நிர்வாகிகளுக்கும் முக்கியத்துவம் அளிக்கப்பட்டிருப்பதாகத் தெரிகிறது. மே 4-ம் தேதி தேர்தல் முடிவுகள் வெளியாக உள்ள நிலையில், இந்த 127 வேட்பாளர்களின் அறிவிப்பு மற்ற கட்சிகளிடையே பெரும் அதிர்வலைகளை ஏற்படுத்தியுள்ளது.