பிற்படுத்தப்பட்ட மற்றும் மிகவும் பிற்படுத்தப்பட்டோர் நலத்துறை அமைச்சர் வி. சம்பத்குமார் மீது ஊழல் மற்றும் அதிகாரத் துஷ்பிரயோகம் குறித்த பலத்த குற்றச்சாட்டுகள் எழுந்துள்ளன. தனது வீட்டின் அருகே பினாமி பெயரில் ரூ. 2.5 கோடி மதிப்பிலான நிலத்தை அவர் வாங்கியுள்ளதாகவும், அதனைத் தனது பெயருக்கோ அல்லது குடும்ப உறுப்பினர்களின் பெயருக்கோ மாற்றாமல் நண்பரின் சொத்து என்று கூறி மாமூல் செய்து வருவதாகவும் தகவல்கள் வெளியாகி பெரும் அதிர்ச்சியை ஏற்படுத்தியுள்ளவை.

கோவை மற்றும் அதன் சுற்றுவட்டாரப் பகுதிகளில் அமைச்சரின் மைத்துனர் மூலமாகத் தொழிலதிபர்களிடம் மாமூல் வசூலிக்கும் சட்டவிரோதச் செயல்கள் அரங்கேறி வருவதாகவும் புகார்கள் நீடிக்கின்றன.

குறிப்பாக, அமைச்சருடன் 22 ஆண்டுகளாக நெருக்கமான நட்பில் இருக்கும் ரமேஷ் என்ற உதவியாளர்தான் அமைச்சரைச் சந்திப்பவர்கள் யார் என்பதையும், வசூலிக்கப்படும் தொகையையும் தீர்மானிக்கும் முக்கிய அதிகார மையமாகச் செயல்பட்டு வருவதாகக் கூறப்படுகிறது.

மாவட்ட ஆட்சியர்களே அமைச்சரைச் சந்திக்கும் போது கைப்பேசியைக் கொண்டு செல்லக் கூடாது போன்ற கட்டுப்பாடுகளை இந்த உதவியாளர் விதிக்கும் அளவுக்குத் தனி அதிகாரம் செலுத்துவது அரசியல் வட்டாரத்தில் பெரும் சலசலப்பை ஏற்படுத்தியுள்ளது.

இந்த வசூல் வேட்டைகள் மற்றும் முறைகேடுகளில் சோழவந்தான் தொகுதி சட்டமன்ற உறுப்பினர் சுகுமார் முக்கியப் பங்காற்றி வருவதாகவும் தெரியவந்துள்ளது. முந்தைய ஆட்சியில் திமுக விசுவாசியாக வலம்வந்த அவர், இப்போதும் தன் வீட்டில் திமுக தலைவர்களின் படங்களை வைத்துள்ளதாகக் கூறப்படும் தகவல்கள் விவாதப் பொருளாகியுள்ளன.

“>

 

தவெக தலைமை மற்றும் அமைச்சர் சம்பத்குமாரின் பெயரைக் குறிப்பிட்டு வெளிவந்துள்ள இந்தக் குற்றச்சாட்டுகள் அரசியல் களத்தில் பெரும் தீப்பற்ற வைத்துள்ளன.