சென்னை அசோக் நகரில் உள்ள அரசு பெண்கள் மேல்நிலைப் பள்ளியில் நடைபெற்ற பிரம்மாண்ட தனியார் துறை வேலைவாய்ப்பு முகாமில் 300-க்கும் மேற்பட்ட முன்னணி நிறுவனங்கள் கலந்துகொண்டன. இந்த முகாமில் பல்லாயிரக்கணக்கான இளைஞர்கள் ஆர்வமுடன் கலந்துகொண்டு தங்களுக்குப் பொருத்தமான வேலைவாய்ப்புகளைப் பெற்றனர்.

இந்த வேலைவாய்ப்பு முகாமில் தமிழ்நாடு முழுவதும் இருந்து வருகை தந்த 7,000-க்கும் மேற்பட்ட இளைஞர்கள் நேர்காணல்களில் கலந்துகொண்டனர். தகுதி மற்றும் திறமையின் அடிப்படையில் தேர்ந்தெடுக்கப்பட்ட இளைஞர்களுக்கு விழா மேடையிலேயே பணி நியமன ஆணைகள் வழங்கப்பட்டன. அரசு மற்றும் தனியார் துறைகள் இணைந்து நடத்தும் இத்தகைய முகாம்கள் இளைஞர்களின் வேலைவாய்ப்பு கனவை நனவாக்குவதில் முக்கியப் பங்கு வகிக்கின்றன.

வேலைவாய்ப்பு பெறுவதற்குப் பணம் கொடுக்க வேண்டிய அவசியமோ அல்லது சிபாரிசு தேடி அலைய வேண்டிய காலமோ தற்போது முற்றிலுமாக மாறிவிட்டதாக நிகழ்ச்சியில் பங்கேற்றவர்கள் தெரிவித்தனர்.

“>

 

முழுமையான தகுதி மற்றும் மதிப்பெண்களின் அடிப்படையில் மட்டுமே பணி நியமனங்கள் செய்யப்படுவது இளைஞர்கள் மத்தியில் மிகுந்த வரவேற்பைப் பெற்றுள்ளதுடன், அவர்களின் எதிர்காலத்திற்குப் பாதுகாப்பான சூழலையும் உருவாக்கிக் கொடுத்துள்ளது.