தமிழகத்தில் பெரும் விவாதப் பொருளாக மாறிவரும் தொகுதி மறுவரையறைப் பணிகள் மற்றும் அதனால் மாநிலத்திற்கு ஏற்படக்கூடிய தாக்கங்கள் குறித்து விவாதிப்பதற்காக முக்கிய ஆலோசனைக் கூட்டத்திற்கு ஏற்பாடு செய்யப்பட்டுள்ளது. நாடாளுமன்றத்தில் தமிழ்நாட்டின் பிரதிநிதித்துவம் மற்றும் உரிமைகள் பாதிக்கப்படாமல் பாதுகாப்பது தொடர்பாகப் பல்வேறு கட்ட ஆலோசனைகள் நடந்துவரும் சூழலில், இது குறித்து விரிவாக விவாதிக்கத் திட்டமிடப்பட்டுள்ளது.

இதற்காக வரும் ஆகஸ்ட் 8ஆம் தேதியன்று தமிழகத்தைச் சேர்ந்த அனைத்து மக்களவை மற்றும் மாநிலங்களவை எம்பிக்களையும் நேரில் சந்தித்து ஆலோசனனை நடத்த முதல்வர் விஜய் அவர்கள் அதிகாரப்பூர்வ அழைப்பு விடுத்துள்ளார். டெல்லியில் நிலவும் அரசியல் சூழல்களையும், தொகுதி சீரமைப்பால் எதிர்காலத்தில் நம் மாநிலம் சந்திக்க நேரிடும் மக்கள் தொகை அடிப்படையிலான இட ஒதுக்கீட்டுச் சவால்களையும் எவ்வாறு எதிர்கொள்வது என்பது குறித்து இந்தச் சந்திப்பில் விரிவாக விவாதிக்கப்படவுள்ளது.

கட்சி வேறுபாடுகளைக் கடந்து தமிழ்நாட்டின் நலனுக்காக அனைத்து நாடாளுமன்ற உறுப்பினர்களும் ஒருங்கிணைந்து செயல்பட வேண்டும் என்ற நோக்கில் கூட்டப்படவுள்ள இந்த அவசரக் கூட்டம் அரசியல் அரங்கில் மிகுந்த எதிர்பார்ப்பை ஏற்படுத்தியுள்ளது. இந்த விவகாரம் தொடர்பாக எடுக்கப்பட உள்ள முக்கிய முடிவுகள் மற்றும் திட்டங்கள் குறித்த தகவல்கள் மாநில அரசியலில் பெரும் தாக்கத்தை ஏற்படுத்தும் என எதிர்பார்க்கப்படுகிறது.