மகாராஷ்டிரா மாநிலம் நாக்பூர் பகுதியில் இன்ஸ்டாகிராம் மூலம் அறிமுகமான 16 வயது சிறுமியை ஆன்லைன் வழியாகத் தொடர்புகொண்டு கடத்திச் சென்ற நபர் ஒருவர், போலீசார் தன்னைத் தேடிக்கொண்டிருக்கும் போதே செய்த ஒரு சிறிய தவறால் கையும் களவுமாகப் பிடிபட்டுள்ளார். சமூக வலைதளங்கள் மூலம் நட்பாகப் பழகிய அந்தச் சிறுமியை வாலிபர் ஒருவர் வலுக்கட்டயமாக அழைத்துச் சென்று பாலியல் வன்கொடுமைக்கு ஆளாக்கியதுடன், அவரைத் தீர்த்துக்கட்டவும் திட்டமிட்டதாகத் தெரிகிறது.

போலீசார் தீவிரமாகத் தேடிக்கொண்டிருப்பதை உணர்ந்த அந்த நபர், தான் சிக்கிக்கொள்ளாமல் இருக்க பாதிக்கப்பட்ட சிறுமியைப் பார்த்து, தன் பெற்றோரிடம் தான் பாதுகாப்பாக இருப்பதாகச் குறுஞ்செய்தி அனுப்புமாறு மிரட்டியுள்ளார். அதனைத் தொடர்ந்து தனக்கு ஏற்பட்ட பசியின் காரணமாகத் தனது செல்போன் செயலி மூலம் அருகில் உள்ள உணவகம் ஒன்றுக்கு ஆன்லைனில் உணவு டெலிவரி செய்ய ஆர்டர் செய்துள்ளார். எதிர்பாராதவிதமாக அந்த உணவகம் இருக்கும் இடமும் குற்றவாளி பதுங்கியிருந்த இடமும் ஒரே பகுதியாக இருந்ததால், அந்த டெலிவரி முகவரியைக் கொண்டு போலீசார் துரிதமாகச் செயல்பட்டு அந்த இடத்தை முற்றுகையிட்டனர்.

சரியான நேரத்தில் போலீசாரின் அதிரடி நடவடிக்கையால் சிறுமி கொலை செய்யப்படுவதிலிருந்து கடைசி நொடியில் பாதுகாப்பாக மீட்கப்பட்டார். மேலும், தலைமறைவாக இருக்க முயன்ற 20 வயதுடைய ஆகாஷ் என்ற அந்த நபர் காவல்துறையினரால் அதிரடியாகக் கைது செய்யப்பட்டுச் சிறையில் அடைக்கப்பட்டுள்ள நிலையில், ஆன்லைன் ஆர்டர் மூலம் குற்றவாளி சிக்கிய இந்தச் சுவாரஸ்யமான சம்பவம் நாடு முழுவதும் பெரும் பரபரப்பாகப் பேசப்பட்டு வருகிறது.