பொள்ளாச்சியில் நடைபெற்ற ‘போதையில்லா தமிழகம்’ மாநாட்டில் பேசிய அண்ணாமலை, தமிழக அரசியலில் பெரும் அதிர்வலைகளை ஏற்படுத்தும் வகையில் பல்வேறு கருத்துகளை முன்வைத்தார்.

தனது அரசியல் பயணம் குறித்துப் பேசிய அவர், தான் ஒரு எளிய குடும்பத்தைச் சேர்ந்த தேசியவாதி என்றும், மதத்தையும் ஜாதியையும் தாண்டி அனைவரையும் சமமாகப் பார்ப்பதே தனது கொள்கை என்றும் திட்டவட்டமாகக் கூறினார்.

ஆளும் டி.வி.கே அரசின் நிதி நிலைமை குறித்துக் கடுமையான விமர்சனங்களை முன்வைத்த அவர், தற்போதுள்ள கடன் சுமை, வரும் ஆண்டுகளில் பல மடங்கு உயர்ந்து மாநிலப் பொருளாதாரத்தையே நிலைகுலையச் செய்யும் என எச்சரித்தார்.

பா.ஜ.க-வில் இருந்து விலகிய உடனே தனக்கிருந்த Z பிரிவு பாதுகாப்பைத் துறந்ததாகக் குறிப்பிட்ட அவர், சமூக நீதி மற்றும் வேளாண்மை முன்னேற்றமே தனது முதன்மை இலக்கு எனத் தெரிவித்தார்.

மேலும், ‘வீ த லீடர்ஸ்’  இயக்கம் எதிர்காலத்தில் ஒரு வலுவான அரசியல் கட்சியாக உருவெடுப்பது உறுதி என்று குறிப்பிட்ட அண்ணாமலை, சரியான தருணத்தில் அதற்கான மாற்றங்கள் நிகழும் என்றும் சூளுரைத்தார்.