லஞ்ச ஒழிப்புத்துறை (DVAC) பெண் ஆய்வாளர் விமலா சஸ்பெண்ட் செய்யப்பட்ட விவகாரத்தில், சென்னை உயர் நீதிமன்றத்தின் அதிரடி உத்தரவைத் தொடர்ந்து, தற்போது தமிழ்நாடு அரசு இந்த வழக்கில் அடுத்த கட்ட மேல்முறையீட்டு ஆட்டத்தைத் தொடங்கியுள்ளது ஒட்டுமொத்த காவல்துறை மற்றும் அரசு அதிகாரிகள் வட்டாரத்தில் மாபெரும் பரபரப்பைக் கிளப்பியுள்ளது.

​லஞ்ச ஒழிப்புத்துறை ஆய்வாளர் விமலா என்பவரைத் தமிழ்நாடு அரசு கடந்த சில வாரங்களுக்கு முன்பு அதிரடியாகப் பணியிடை நீக்கம் (Suspension) செய்து உத்தரவிட்டிருந்தது. அரசின் இந்த சஸ்பெண்ட் உத்தரவை எதிர்த்து விமலா சென்னை உயர் நீதிமன்றத்தில் மனுத்தாக்கல் செய்திருந்த நிலையில், வழக்கை விசாரித்த நீதிமன்றம் விமலாவின் சஸ்பெண்ட் உத்தரவுக்குக் கடந்த வாரம் அதிரடியாக இடைக்காலத் தடை விதித்து தீர்ப்பளித்தது.

இதனால் விமலா மீண்டும் பணியில் சேர வழிவகை ஏற்பட்ட சூழலில், தற்போது இந்தத் தடையை உடைப்பதற்காகத் தமிழ்நாடு அரசின் கூடுதல் தலைமை வழக்கறிஞர் (Additional Advocate General) சென்னை உயர் நீதிமன்றத்தில் அவசரமாக மேல்முறையீடு செய்துள்ளார். லஞ்ச ஒழிப்புத்துறை பெண் அதிகாரியின் சஸ்பெண்ட் விவகாரத்தில் உயர் நீதிமன்றத் தடையை எதிர்த்துத் தமிழக அரசே நேரடியாகப் போர்க்கொடி தூக்கி அப்பீல் செய்துள்ள இந்த அதிரடித் திருப்பம், தற்போது சமூக வலைத்தளங்களில் இவாதப் பொருளாக மாறியுள்ளது.