2026 ஐபிஎல் தொடரில் குஜராத் அணியை வீழ்த்தி பெங்களூரு அணி முதன்முறையாகச் சாம்பியன் பட்டம் வென்று வரலாற்றுச் சாதனை படைத்துள்ளது. இந்தத் தொடரில் ராஜஸ்தான் ராயல்ஸ் அணி பிளே ஆஃப் சுற்றில் தோற்று வெளியேறினாலும், அந்த அணியின் 15 வயது இளம் தொடக்க ஆட்டக்காரரான பீகாரைச் சேர்ந்த வைபவ் சூர்யவன்ஷி ஒட்டுமொத்த கிரிக்கெட் உலகையும் தன் பக்கம் திரும்பிப் பார்க்க வைத்துள்ளார்.

இந்த சீசனில் 16 போட்டிகளில் விளையாடி 1 சதம், 5 அரைசதங்கள், 63 பவுண்டரிகள் மற்றும் 72 சிக்சர்களுடன் மொத்தம் 776 ரன்கள் குவித்து ரன் வேட்டையில் முதலிடம் பிடித்து அசாத்திய சாதனை படைத்துள்ளார். இந்த மாஸ் வெற்றிக்குப் பிறகு பேசியுள்ள வைபவ் சூர்யவன்ஷி, தான் ராயல் சேலஞ்சர்ஸ் பெங்களூரு அணியின் தீவிர ரசிகன் என்றும், விராட் கோலியின் வெறித்தனமான ஃபேன் என்றும் நெகிழ்ச்சியோடு பகிர்ந்துள்ளார்.

ஆர்சிபி சாம்பியன் பட்டம் வென்ற ஆட்டத்தில் விராட் கோலி தனது தோளில் கைபோட்டுப் பேசிய தருணம் ஒரு கனவு போல இருந்ததாகக் குறிப்பிட்டுள்ள அவர், ஒரு சூப்பர் ஸ்டாராக இல்லாமல், தனது ஆட்டத்தில் எதை நன்றாகச் செய்கிறேன், எங்கு முன்னேற வேண்டும் என்பதை விராட் கோலி மிக எளிமையாகத் தனக்கு விளக்கிக் கூறிய விதம் வாழ்நாளில் மறக்க முடியாத ஒன்று எனப் பாராட்டியுள்ளார்.