உத்தரப்பிரதேச மாநிலம் பிரோசாபாத் பகுதியில் நடைபெற்ற ஒரு துயரச் சம்பவம் பெரும் சோகத்தை ஏற்படுத்தியுள்ளது. ஒரு வீட்டில் தாய் மற்றும் அத்தை இருவரும் சண்டையிட்டுக்கொண்டிருந்தபோது, எதிர்பாராதவிதமாக அவர்கள் இருவரும் கட்டிலின் மீது தூங்கிக்கொண்டிருந்த பச்சிளம் குழந்தையின் மீது விழுந்தனர்.
இந்த விபத்தில், மூச்சுத் திணறல் ஏற்பட்டு அந்த குழந்தை சம்பவ இடத்திலேயே பரிதாபமாக உயிரிழந்தது. நள்ளிரவில் நடந்த இந்த எதிர்பாராத மரணம் அந்த குடும்பத்தினர் மற்றும் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது. இந்தச் சம்பவம் குறித்து தகவல் அறிந்த காவல்துறையினர் உடனடியாக விரைந்து வந்து விசாரணை நடத்தினர். குழந்தையின் உடல் பிரேத பரிசோதனைக்காக அனுப்பி வைக்கப்பட்டது.
இந்நிலையில் குடும்பத் தகராறினால் ஏற்பட்ட இந்த விபரீத முடிவு, ஒரு பிஞ்சுக் குழந்தையின் உயிரைப் பறித்துள்ளது, அந்தப் பகுதியில் பெரும் சோகத்தை உருவாக்கியுள்ளது. இச்சம்பவம் தொடர்பாக வழக்குப்பதிவு செய்துள்ள போலீசார், இது குறித்து தீவிரமாக விசாரணை மேற்கொண்டு வருகின்றனர்.
