தமிழகத்தில் உள்ள டாஸ்மாக் மதுக்கடைகளில் அரசு நிர்ணயித்த விலையை விட, ஒரு பாட்டிலுக்கு 10 ரூபாய் கூடுதலாக வசூலிக்கப்படுவதாகக் குடிமகன்கள் மத்தியில் நீண்ட நாட்களாகவே பெரும் புகார்கள் எழுந்து வருகின்றன. இந்த விவகாரத்தை மிகத் தீவிரமாகக் கையில் எடுத்துள்ள உளவுத்துறை போலீசார், மாநிலம் முழுவதும் ரகசியக் கண்காணிப்பில் ஈடுபட்டு கூடுதலாகப் பணம் வசூலிக்கும் கடைகளைக் கண்டறிந்து ஒரு பெரிய கருப்புப் பட்டியலையே அதிரடியாகத் தயாரித்துள்ளனர்.

​இந்த முறைகேடுகளில் ஈடுபடும் கடைகள் மற்றும் அதற்கு உடந்தையாக இருக்கும் ஊழியர்கள் குறித்த மிக விரிவான ரகசிய அறிக்கையைக் காவல்துறை உயரதிகாரிகளுக்கு உளவுத்துறை தற்போது அனுப்பி வைத்துள்ளது. இதனால், ஓவர் ரேட் வசூலித்து வந்த டாஸ்மாக் கடைகள் மீது எந்த நேரத்திலும் கடுமையான துறை ரீதியான ஆக்ஷன் பாயலாம் என்பதால் ஊழியர்கள் மத்தியில் இப்போது மரண பயம் ஏற்பட்டுள்ளது!