சமூக வலைதளங்களில் தற்போது ஒரு அதிர்ச்சிகரமான வீடியோ வேகமாகப் பரவி வருகிறது. அதில், ஒரு ரயில் மெதுவாக நகர்ந்து கொண்டிருந்தபோது, பொறுமையின்றி சில இளைஞர்களும் யுவதிகளும் ரயிலின் அடியிலேயே ஊர்ந்து சென்று தண்டவாளத்தைக் கடக்க முயற்சிக்கும் ஆபத்தான காட்சி பதிவாகியுள்ளது.

மேலும் சில வினாடிகள் நேரத்தை மிச்சப்படுத்த அவர்கள் செய்த இந்த முட்டாள்தனமான செயல், பெரும் விபத்தை ஏற்படுத்தக்கூடியது என்பதால், அதைப் பார்த்த இணையவாசிகள் கடும் கண்டனங்களை தெரிவித்து வருகின்றனர். ரயில் முழுமையாகக் கடந்து செல்லும் வரை காத்திருக்காமல், உயிரைப் பணயம் வைத்து தண்டவாளத்தைக் கடப்பது மிகவும் ஆபத்தானது. சிறிய தவறு நடந்திருந்தாலும் அது உயிரிழப்பில் முடிந்திருக்கும் என்று பலரும் எச்சரித்துள்ளனர்.

“>

இந்நிலையில் இளைஞர்கள் மத்தியில் நிலவும் இத்தகைய பொறுப்பற்ற செயல்கள் மற்றும் ரயில்வே பாதுகாப்பு விதிகளை அலட்சியப்படுத்துவது குறித்து சமூக வலைதளங்களில் பெரிய விவாதமே எழுந்துள்ளது. இத்தகைய ஆபத்தான செயல்களில் ஈடுபடுவதைத் தவிர்க்குமாறு பொதுமக்களுக்கு மீண்டும் ஒருமுறை இந்தச் சம்பவம் எச்சரிக்கை விடுத்துள்ளது.