ஸ்வீடனில் உள்ள ஒரு நவீன அலுவலகத்தின் பிரமிக்க வைக்கும் வசதிகள் குறித்த வீடியோ தற்போது சமூக வலைதளங்களில் வைரலாகி வருகிறது. சங்கத் பானிக் என்ற இந்திய இளைஞர் பகிர்ந்துள்ள இந்த வீடியோவில், அந்த அலுவலகம் பார்ப்பதற்கு ஒரு சொகுசான கஃபே அல்லது ஸ்டுடியோ போலவே காட்சியளிக்கிறது.
இங்கு பாரம்பரிய அலுவலகங்களைப் போல குறுகிய அறைகளோ அல்லது நெருக்கடியான இருக்கைகளோ இல்லை; மாறாக, ஊழியர்கள் சோஃபாக்கள், பீன் பேக்குகள் அல்லது படிக்கட்டுகளில் அமர்ந்து கூட சுதந்திரமாக வேலை செய்யலாம்.
இயற்கையோடு இணைந்து பணியாற்றும் வசதி, மன அழுத்தமில்லாத சூழல் மற்றும் நவீன வடிவமைப்பு ஆகியவை ஊழியர்களின் படைப்பாற்றலை அதிகரிக்கும் வகையில் உருவாக்கப்பட்டுள்ளன.
வேலையை ஒரு சுமையாகக் கருதாமல் மகிழ்ச்சியான ஒன்றாக மாற்ற, அங்கு ஊழியர்களுக்குப் பல சுவாரஸ்யமான வசதிகள் வழங்கப்படுகின்றன. வரம்பற்ற இலவச மிட்டாய்கள், மாலை நேர விசேஷ சிற்றுண்டிகள், ஓய்வு எடுக்க மசாஜ் நாற்காலிகள் மற்றும் விளையாடுவதற்கான இடங்கள் என அந்த அலுவலகம் ஒரு பொழுதுபோக்கு தளம் போலவே செயல்படுகிறது.
View this post on Instagram
“>
ஐரோப்பிய நாடுகளில் வேலை-வாழ்க்கைச் சமநிலைக்கு எவ்வளவு முக்கியத்துவம் அளிக்கப்படுகிறது என்பதற்கு இந்த அலுவலகம் ஒரு சிறந்த உதாரணமாகத் திகழ்கிறது.
“வேலைக்குச் செல்வதே ஒரு சுகமான அனுபவம்” என்பதை நிரூபிக்கும் இந்த வீடியோவைப் பார்த்து, இந்திய நெட்டிசன்கள் பலரும் தங்களுக்கு இப்படி ஓர் அலுவலகம் கிடைக்காதா என ஏக்கத்துடன் கருத்து தெரிவித்து வருகின்றனர்.
