செயற்கை நுண்ணறிவுத் துறையில் முன்னணியில் இருக்கும் ஓபன் ஏஐ நிறுவனம், தனது சாட்ஜிபிடி பயனர்களுக்காக அதிரடியான புதிய பாதுகாப்பு அம்சங்களை அறிமுகப்படுத்தியுள்ளது. இணைய உலகில் அதிகரித்து வரும் ஹேக்கிங் மற்றும் பிஷிங் போன்ற சைபர் தாக்குதல்களிலிருந்து பயனர்களின் கணக்குகளைப் பாதுகாப்பதே இதன் முக்கிய நோக்கமாகும்.
குறிப்பாக, அதிக பாதுகாப்பு தேவைப்படும் பயனர்கள் தாங்களாகவே முன்வந்து இந்த வசதியைத் தேர்ந்தெடுத்துக் கொள்ளலாம் என அறிவிக்கப்பட்டுள்ளது. இந்த புதிய பாதுகாப்பு முறையில், வழக்கமான கடவுச்சொற்களுக்கு பதிலாக மிகவும் பாதுகாப்பான ‘பாஸ் கீ’ வசதி வழங்கப்பட உள்ளது.
இதன் மூலம் தேவையற்ற ஊடுருவல்கள் தடுக்கப்படுவதுடன், சந்தேகத்திற்குரிய நடவடிக்கைகளை உடனுக்குடன் கண்டறியும் மேம்படுத்தப்பட்ட தொழில்நுட்பமும் இதில் சேர்க்கப்பட்டுள்ளது.
பயனர்களின் தனியுரிமை மற்றும் கணக்கு பாதுகாப்பை அடுத்த கட்டத்திற்கு கொண்டு செல்லும் இந்த முயற்சி, ஏஐ தொழில்நுட்ப உலகில் ஒரு முக்கியமான மைல்கல்லாகப் பார்க்கப்படுகிறது.
