குஜராத் மாநிலத்தில் உள்ள ஒரு முக்கியச் சந்திப்பில் தனியார் சொகுசு பேருந்து (Sleeper Coach) ஒன்றை நிறுத்தி போலீஸார் அதிரடி சோதனையில் ஈடுபட்டனர். ஆரம்பத்தில் இது சாதாரண சோதனை என்று பயணிகள் நினைத்திருந்த நிலையில், பேருந்தின் பின் இருக்கைக்குச் சென்ற போலீஸார் இரு இளைஞர்களை வழிமறித்து அவர்களது பைகளைச் சோதனை செய்தனர்.
அந்த இளைஞர்களின் பைகளைத் திறந்து பார்த்தபோது போலீஸாரே ஒரு நிமிடம் அதிர்ச்சியில் உறைந்து போயினர். பைக்குள் காகிதங்களால் சுற்றப்பட்ட நிலையில் நவீன பிஸ்டல்கள் (Pistols) மற்றும் நாட்டுத் துப்பாக்கிகள் (Desi Katta) பதுக்கி வைக்கப்பட்டிருந்தது கண்டுபிடிக்கப்பட்டது. சற்றும் தாமதிக்காமல் போலீஸார் அந்த ஆயுதங்களைப் பறிமுதல் செய்து, அந்த இரு இளைஞர்களையும் கைது செய்து அழைத்துச் சென்றனர்.
View this post on Instagram
இந்தச் சோதனையின் வீடியோ ‘sunny_vlog6419’ என்ற இன்ஸ்டாகிராம் பக்கத்தில் பகிரப்பட்டு, லட்சக்கணக்கான பார்வைகளைக் கடந்து வைரலாகி வருகிறது. “ஒருவேளை இந்தச் சோதனை நடத்தப்படாமல் இருந்திருந்தால், அந்த ஆயுதங்களால் மிகப்பெரிய அசம்பாவிதம் நடந்திருக்கும்” என நெட்டிசன்கள் கருத்து தெரிவித்து வருகின்றனர்.
குஜராத் போலீஸின் இந்தத் துரிதமான நடவடிக்கையைப் பாராட்டி வரும் சமூக வலைதளவாசிகள், பொதுப் போக்குவரத்தைப் பயன்படுத்தும் போது உரிய சோதனைகள் நடத்தப்படுவது எவ்வளவு அவசியம் என்பதையும் இந்தச் சம்பவம் உணர்த்தியுள்ளதாகக் கூறி வருகின்றனர்.
