தமிழக சட்டமன்றத் தேர்தல் முடிவுகள் வெளியாகி அரசியல் களம் அதிரத் தொடங்கியுள்ள நிலையில், திமுக-வுக்குள் கோஷ்டி பூசல் வெடிக்க ஆரம்பித்துள்ளது.
கொளத்தூர் தொகுதியில் திமுக தலைவர் மு.க. ஸ்டாலின் தோல்வியடைந்த அதிர்ச்சியிலிருந்து அக்கட்சியினர் மீளாத நிலையில், எழும்பூர் திமுக எம்.எல்.ஏ பரந்தாமன் முன்வைத்துள்ள குற்றச்சாட்டு அறிவாலய வட்டாரத்தை அதிர வைத்துள்ளது.
“முதலமைச்சர் ஸ்டாலினின் இந்தத் தோல்விக்கு அமைச்சர் சேகர்பாபுவின் செயல்பாடுகளே முக்கிய காரணம்” என்று பகிரங்கமாகச் சாடியுள்ள பரந்தாமன், அவர் மீது தலைமை உடனடியாகக் கடுமையான நடவடிக்கை எடுக்க வேண்டும் என்று வலியுறுத்தியுள்ளார்.
தேர்தல் பணிகளில் அலட்சியம் காட்டியது மற்றும் உள்ளூர் நிர்வாகிகளிடையே ஒருங்கிணைப்பு இல்லாததே இந்தத் பின்னடைவுக்குக் காரணம் எனப் பரந்தாமன் சுட்டிக்காட்டியுள்ளார்.
ஸ்டாலின் போன்ற ஒரு மூத்த தலைவர் தனது சொந்தத் தொகுதியிலேயே பின்னடைவைச் சந்தித்திருப்பது திமுக தொண்டர்களிடையே பெரும் கொந்தளிப்பை ஏற்படுத்தியுள்ளது.
இந்த விவகாரம் தொடர்பாக திமுக தலைமை விளக்கம் கேட்குமா அல்லது அதிரடி நடவடிக்கை எடுக்குமா என்பதே இப்போது தமிழக அரசியலில் ஹாட் டாபிக்காக மாறியுள்ளது.
நேரு, பொன்முடி போன்ற மூத்த தலைவர்களே தேர்தல் முடிவுகளால் ஆடிப்போயுள்ள சூழலில், பரந்தாமனின் இந்தப் புகார் அக்கட்சிக்குள் பெரும் புயலைக் கிளப்பியுள்ளது.
