ஆந்திர மாநிலத்தில், தம்பியின் திருமணக் கொண்டாட்டத்தின் போது அண்ணன் மின்சாரம் தாக்கி உயிரிழந்த சோகம் நடந்துள்ளது. ஐதராபாத்தில் சாப்ட்வேர் இன்ஜினியராக வேலை பார்த்து வந்த சதிஷ் (32), தனது தம்பியின் கல்யாணத்துக்காக ஊருக்கு வந்திருந்தார். கல்யாண வேலைகளில் ரொம்ப உற்சாகமாக இருந்த சதிஷ், எதிர்பாராத விதமாக கரண்ட் ஷாக் அடித்து அங்கேயே இறந்து போனார்.

சதிஷிற்கு கடந்த வருடம் தான் திருமணம் நடந்தது என்பது குறிப்பிடத்தக்கது.‌ சந்தோஷமாக இருக்க வேண்டிய கல்யாண வீடு, சதிஷின் மரணத்தால் இப்போது சோகத்தில் மூழ்கியுள்ளது. குடும்பத்தில் ஏற்பட்ட இந்த பெரிய இழப்பால், நடக்கவிருந்த அவரது தம்பியின் திருமணம் பாதியிலேயே நிறுத்தப்பட்டது.

கொண்டாட்டமாக இருக்க வேண்டிய நாளில் வாலிபர் பலியான சம்பவம் அந்த கிராமத்தையே கவலையில் ஆழ்த்தியுள்ளது. இதுகுறித்து போலீஸார் வழக்குப் பதிவு செய்து விசாரணை நடத்தி வருகிறார்கள்.