தமிழகத்தின் சிவகங்கை மாவட்டத்தில், 5 சிறுமிகளைப் பாலியல் வன்கொடுமை செய்த வழக்கில் சந்திரனுக்கு 5 மரண தண்டனை விதித்து மாவட்ட நீதிமன்றம் அதிரடி தீர்ப்பளித்துள்ளது. கடந்த 2024-ஆம் ஆண்டு, வீடியோ கேம் விளையாடத் தருவதாக ஆசை காட்டி, 5 சிறுமிகளைத் தனது இடத்திற்கு அழைத்துச் சென்று சந்திரன் பாலியல் ரீதியாகத் துன்புறுத்தியது விசாரணையில் உறுதி செய்யப்பட்டது.

இந்த வழக்கில் கடந்த 2 ஆண்டுகளாகத் தீவிர விசாரணை நடைபெற்று வந்த நிலையில், இன்று அதன் இறுதித் தீர்ப்பு வழங்கப்பட்டது. சந்திரனின் குற்றங்களை மிகக் கடுமையானதாகக் கருதிய நீதிமன்றம், அவருக்கு 5 மரண தண்டனைகளுடன், 4 ஆயுள் தண்டனைகள் மற்றும் 22 ஆண்டுகள் சிறைத் தண்டனை விதித்து அதிரடி உத்தரவிட்டது.

குழந்தைகள் மீதான பாலியல் வன்கொடுமை வழக்குகளில் ஒரே நபருக்கு 5 மரண தண்டனை விதிக்கப்பட்டது ஒரு முக்கிய மைல்கல்லாகப் பார்க்கப்படுகிறது. இந்தத் தீர்ப்பு பாதிக்கப்பட்ட சிறுமிகளின் குடும்பத்தினருக்கும், பொதுமக்களுக்கும் பெரும் நிம்மதியை அளித்துள்ளது.