‘ஜனநாயகன்’ திரைப்படம் இணையத்தில் சட்டவிரோதமாக வெளியானதை அடுத்து, நடிகர் சிவகார்த்திகேயன் படக்குழுவினருக்கு ஆதரவாகத் தனது கண்டனத்தைப் பதிவு செய்துள்ளார். ஒரு திரைப்படம் என்பது நூற்றுக்கணக்கான தொழிலாளர்களின் ரத்தம் மற்றும் வியர்வையால் உருவாக்கப்படும் உழைப்பு என்றும், அதனைத் திருட்டுத்தனமாக இணையத்தில் வெளியிடுவதைத் தவிர்க்க வேண்டும் என்றும் அவர் உருக்கமாகக் கேட்டுக்கொண்டுள்ளார்.
இந்தச் செயலில் ஈடுபட்டவர்கள் மீது கடுமையான நடவடிக்கை எடுக்கப்பட வேண்டும் என வலியுறுத்தியுள்ள அவர், திரையுலகினரின் கடின உழைப்பை மதித்து அனைவரும் ஒத்துழைக்க வேண்டும் எனத் தெரிவித்துள்ளார். ‘ஜனநாயகன்’ படம் முழுவதுமாக லீக் ஆன நிலையில், சக கலைஞரின் உழைப்பு வீணாவதைக் கண்டு சிவகார்த்திகேயன் வெளியிட்டுள்ள இந்த அதிரடிப் பதிவு தற்போது இணையத்தில் வைரலாகி வருகிறது.
