தெலங்கானா மாநிலத்தில் உறவினர் ஒருவரின் வீட்டுப் புதுமனை புகுவிழாவிற்குச் சென்ற பெண் ஒருவர் புகைப்படம் எடுத்துக் கொண்டிருந்தபோது எதிர்பாராத விதமாக மாரடைப்பு ஏற்பட்டு உயிரிழந்த சம்பவம் பெரும் சோகத்தை ஏற்படுத்தியுள்ளது. பொம்மா சுஷ்மிதா என்ற 43 வயது மதிக்கத்தக்க அந்தப் பெண் தனது குடும்பத்தினருடன் விழாவில் கலந்து கொண்டு மகிழ்ச்சியாகப் புகைப்படம் எடுத்துக் கொண்டிருந்தார்.

அப்போது அவர் திடீரென நிலைதடுமாறி கீழே சரிந்து விழுந்ததைக் கண்டு அங்கிருந்தவர்கள் அதிர்ச்சியடைந்தனர். உடனடியாக அவர் அருகில் உள்ள மருத்துவமனைக்கு சிகிச்சைக்காக அழைத்துச் செல்லப்பட்டார். அங்கு அவரைப் பரிசோதித்த மருத்துவர்கள் அவர் ஏற்கனவே மாரடைப்பு ஏற்பட்டு உயிரிழந்துவிட்டதாகத் தெரிவித்தனர்.

உறவினர்களின் மகிழ்ச்சியான கொண்டாட்டத்தின் இடையே நிகழ்ந்த இந்தப் பெண்ணின் மரணம் அந்தப் பகுதியில் பெரும் சோகத்தை ஏற்படுத்தியுள்ளது. இது குறித்துத் தகவல் அறிந்த காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.