மூச்சு விடும்போது கவனக்குறைவாக இருந்ததால் இளம்பெண் ஒருவரின் மூக்குத்தி நுரையீரலுக்குள் சென்ற வினோத சம்பவம் பெரும் பரபரப்பை ஏற்படுத்தியுள்ளது. ராஜஸ்தான் மாநிலத்தைச் சேர்ந்த அந்தப் பெண், தனது மூக்குத்தியைச் சரிசெய்து கொண்டிருந்தபோது எதிர்பாராத விதமாக மூச்சை வேகமாக உள்ளிழுத்துள்ளார்.

அப்போது மூக்குத்தியின் சிறிய நட்டு (Nose pin) சுவாசக் குழாய் வழியாக நேராக நுரையீரலுக்குள் சென்று சிக்கிக்கொண்டது. இதனால் கடுமையான மூச்சுத் திணறலும் வலியும் ஏற்படவே, அந்தப் பெண் உடனடியாக மருத்துவமனையில் அனுமதிக்கப்பட்டார்.

அவரைப் பரிசோதித்த மருத்துவர்கள் எக்ஸ்-ரே எடுத்துப் பார்த்தபோது, நுரையீரலின் உட்பகுதியில் அந்த மூக்குத்தி சிக்கியிருப்பதைப் கண்டு அதிர்ச்சியில் உறைந்து போயினர்.

வழக்கமான முறையில் அந்த நட்டை எடுப்பது உயிருக்கு ஆபத்தானது என்பதால், மருத்துவர்கள் மிகவும் நுணுக்கமான ‘எண்டோஸ்கோபி’ சிகிச்சையை மேற்கொண்டனர். சுமார் இரண்டு மணி நேரப் போராட்டத்திற்குப் பிறகு, நுரையீரலில் எந்தப் பாதிப்பும் ஏற்படாமல் அந்த மூக்குத்தி பத்திரமாக அகற்றப்பட்டது.

“கொஞ்சம் தாமதித்திருந்தாலும் அந்தப் பெண்ணின் உயிருக்கு ஆபத்து ஏற்பட்டிருக்கும், இப்போது அவர் நலமாக இருக்கிறார்” என மருத்துவர்கள் தெரிவித்துள்ளனர். இந்தச் சம்பவம் அப்பகுதி மக்களிடையே பெரும் ஆச்சரியத்தையும் அச்சத்தையும் ஏற்படுத்தியுள்ளது.