2026 சட்டமன்றத் தேர்தலுக்கான களம் இப்போதே சூடுபிடித்துள்ள நிலையில், திமுக கூட்டணியில் உள்ள முரண்பாடுகளை எடப்பாடி பழனிசாமி பகிரங்கமாகச் சாடியுள்ளார்:

திமுகவுக்கும் காங்கிரஸுக்கும் இடையே தற்போது பெரும் ‘உள்நாட்டுப் போர்’ நடந்து வருவதாகவும், தொகுதிப் பங்கீடு மற்றும் அதிகாரப் பகிர்வு விவகாரத்தில் இரு கட்சிகளுக்கும் இடையே கடும் விரிசல் ஏற்பட்டுள்ளதாகவும் அவர் குற்றம் சாட்டியுள்ளார்.

வெளியே பார்க்கும்போது ஒற்றுமையாக இருப்பது போலக் காட்டிக்கொண்டாலும், உள்ளுக்குள் ஒருவரை ஒருவர் வீழ்த்தத் துடித்துக் கொண்டிருக்கிறார்கள்; இவர்களின் கூட்டணி என்பது வெறும் ஒரு ‘நிழல் யுத்தம்’ தான் என அவர் விமர்சித்துள்ளார்.

கடந்த காலங்களில் கொடுத்த வாக்குறுதிகளை நிறைவேற்றாத திமுக அரசுக்கும், அதற்குத் துணையாக இருக்கும் காங்கிரஸுக்கும் 2026 தேர்தலில் மக்கள் தகுந்த பாடம் புகட்டுவார்கள் என அவர் சூளுரைத்துள்ளார்.