திமுக கூட்டணியில் தேமுதிக சேரப்போவதாகவும், அதற்கான பேச்சுவார்த்தைகளை அமைச்சர் எ.வ.வேலு முன்னின்று நடத்துவதாகவும் கடந்த சில நாட்களாக செய்திகள் பரவி வந்தன. ஆனால், இதை அமைச்சர் முற்றிலும் மறுத்துள்ளார். “நான் யாரிடமும் எந்தப் பேச்சுவார்த்தையும் நடத்தவில்லை, இதெல்லாம் வெறும் வதந்தி” என்று அவர் வெளிப்படையாகக் கூறி இந்த விவகாரத்திற்கு முற்றுப்புள்ளி வைத்துள்ளார்.
கூட்டணி குறித்து முடிவெடுக்கும் அதிகாரம் முழுக்க முழுக்க கட்சித் தலைமையிடம் மட்டுமே இருப்பதாக அவர் கூறியுள்ளார். இதனால் தேமுதிக திமுக கூட்டணிக்கு வருமா அல்லது அதிமுக பக்கம் போகுமா என்ற குழப்பம் மீண்டும் அதிகரித்துள்ளது. தேமுதிகவின் நிலைப்பாடு என்ன என்பது தேர்தல் நெருங்கும் போதுதான் தெரியும் என்பதால், தமிழக அரசியலில் இந்த விஷயம் இப்போது பெரிய எதிர்பார்ப்பை ஏற்படுத்தியுள்ளது.
