இன்ஸ்டாகிராமில் வைரலாகி வரும் அந்த வீடியோவில், ஒரு பெரிய காளையின் மீது மூன்று சிறுவர்கள் ஏறி அமர்ந்து விளையாடுகிறார்கள். பொதுவாக ஜல்லிக்கட்டு மைதானத்தில் சீறிப்பாயும் காளைகள், இங்கே குழந்தைகளிடம் ஒரு தாயைப் போல மென்மையாக நடந்து கொள்வது பார்ப்பவர் கண்களை நனைய வைக்கிறது. விளையாடிக்கொண்டிருந்த ஒரு சிறுவன் எதிர்பாராதவிதமாக மாட்டின் கொம்பைப் பிடித்தபோது, அந்த மாடு காட்டிய நிதானம் அனைவரையும் வியக்க வைத்துள்ளது.
தன்னுடைய கூர்மையான கொம்புகள் பட்டு குழந்தைகளுக்கு ஏதேனும் ஆபத்து ஏற்பட்டுவிடுமோ என்று நினைத்தது போல, அந்த மாடு அழகாகத் தன் தலையைச் சாய்த்து அடக்கமாக வைத்துக் கொள்கிறது. “வாய் பேச முடியாத உயிரினங்களுக்குத்தான் உணர்வுகள் அதிகம்” என்பதை நிரூபிக்கும் வகையில் அமைந்த இந்த வீடியோ, தற்போது இணையத்தில் வைரலாகி வருகிறது. மாட்டின் இந்தத் தன்னலமற்ற அன்பைக் கண்டு நெட்டிசன்கள் பலரும் அந்தத் தெய்வீகப் பிறவியைக் கொண்டாடி வருகின்றனர்.
