மதிமுக பொதுச்செயலாளர் வைகோ மேற்கொண்டுள்ள போதைப்பொருள் ஒழிப்பு நடைபயணத் தொடக்க விழாவில் பங்கேற்ற முதல்-அமைச்சர் மு.க.ஸ்டாலின், வைகோவின் அரசியல் அனுபவத்தையும், சமூக அக்கறையையும் பாராட்டிப் பேசினார்.

விழாவில் முதல்வர் பேசியதாவது: “தமிழகத்தின் குறுக்கும் நெடுக்குமாக வைகோவின் கால் தடம் படாத இடமே இல்லை என்று சொல்லும் அளவுக்குப் பல நடைபயணங்களை அவர் மேற்கொண்டுள்ளார். அவருக்கு 82 வயதாகிறதா அல்லது 28 வயதாகிறதா என்று வியக்கும் வகையில் அவரது செயல்பாடு உள்ளது. திராவிடப் பல்கலைக்கழகத்தில் படித்து, கலைஞர் கருணாநிதியிடம் அரசியல் பயின்றவர் அவர். முதுமையைத் தூக்கி எறிந்துவிட்டு, இளைஞர்களுக்காக இந்த நடைபயணத்தைத் தொடங்கியுள்ள அவருக்கு எனது வாழ்த்துகள்.”

“நடைபயணங்கள் மூலமே தலைவர்கள் மக்களை எளிமையாகச் சந்தித்துக் கருத்துகளைச் சொல்ல முடியும். மக்கள் பேசத் தொடங்கினால்தான் எந்தப் பிரச்சினைக்கும் தீர்வு காண முடியும். வைகோவின் இந்தப் பயணம் போதைப்பொருள் ஒழிப்பு குறித்த விழிப்புணர்வை மக்களிடம் ஆழமாகக் கொண்டு செல்லும்.”

போதைப்பொருள் ஒழிப்பு குறித்துப் பேசிய முதல்வர், “போதைப்பொருள் என்பது ஒரு பெரிய நெட்வொர்க். மாநில எல்லைகள் வழியாக இவை கடத்தப்படுவதைத் தடுக்க மத்திய அரசு தீவிரமாகக் கண்காணிக்க வேண்டும். இதற்கு மாநில அரசுகள் முழு ஒத்துழைப்பு வழங்கும். சமீபத்தில் திருவள்ளூர், வேலூர் மாவட்டங்களில் 1 லட்சம் போதை மாத்திரைகள் பறிமுதல் செய்யப்பட்டுள்ளன. இதில் தொடர்புடையவர்கள் வெளிமாநிலம் மற்றும் வெளிநாடுகளைச் சேர்ந்தவர்களாக உள்ளனர்” என்று குறிப்பிட்டார்.

: சினிமாவில் போதைப்பொருளை ஊக்குவிக்கும் காட்சிகளைத் தவிர்க்க வேண்டும்.
பெற்றோர் & ஆசிரியர்கள்: குழந்தைகளைப் பொறுப்போடு வளர்ப்பதிலும், விழிப்புணர்வு ஏற்படுத்துவதிலும் இவர்களின் பங்கு முக்கியமானது. அன்பைப் போதிக்க வேண்டிய ஆன்மிகத்தை வைத்துச் சிலர் வம்பு செய்கின்றனர். இதனால் சிறுபான்மையினர் மற்றும் ஆதி திராவிடர்கள் அச்சத்தில் வாழும் சூழல் நிலவுகிறது.

மேலும் வைகோவின் உடல்நலம் குறித்துப் பேசிய முதல்வர், “உங்களின் நோக்கம் பெரியது, அதேசமயம் உங்கள் உடல்நலனும் மிக முக்கியம். உங்களின் மீதுள்ள உரிமையில் கேட்டுக்கொள்கிறேன், இனி இது போன்ற கடினமான பயணங்களை நீங்கள் தவிர்க்க வேண்டும். உங்கள் பயணம் வெற்றி பெற வாழ்த்துகள்” எனத் தெரிவித்தார்.