இந்திய டி20 அணியின் கேப்டன் சூர்யகுமார் யாதவ் தனக்கு அடிக்கடி குறுஞ்செய்திகள் (Messages) அனுப்புவார் என பாலிவுட் நடிகையும் ‘ஸ்ப்ளிட்ஸ்வில்லா’ (Splitsvilla) புகழ் நட்சத்திரமுமான குஷி முகர்ஜி சமீபத்திய பேட்டி ஒன்றில் கூறி அதிர வைத்துள்ளார். 2026 பிப்ரவரியில் உலகக்கோப்பை தொடங்கவுள்ள நிலையில், சூர்யகுமார் யாதவ் பேட்டிங்கில் ஒரு சிறிய ‘ஃபார்ம் அவுட்’ நிலையைச் சந்தித்து வரும் வேளையில் இந்தப் பேச்சு காட்டுத்தீயாகப் பரவி வருகிறது.
இருப்பினும், இந்தச் செய்தி வைரலானதைத் தொடர்ந்து குஷி முகர்ஜி ஒரு விளக்கத்தையும் அளித்துள்ளார். தானும் சூர்யகுமாரும் வெறும் நண்பர்கள் மட்டுமே என்றும், அவர்களுக்குள் காதல் உறவு எதுவும் இல்லை என்றும் அவர் தெளிவுபடுத்தியுள்ளார். சூர்யகுமார் ஒரு போட்டியில் தோல்வியடைந்தபோது ஏற்பட்ட சாதாரண உரையாடலை ஊடகங்கள் தவறாகச் சித்தரித்துவிட்டதாக அவர் வருத்தம் தெரிவித்துள்ளார்.
சூர்யகுமார் யாதவ் தனது மனைவி தேவிஷா ஷெட்டியுடன் சமீபத்தில் திருப்பதி கோவிலுக்குச் சென்று சாமி தரிசனம் செய்த புகைப்படங்கள் வெளியான நிலையில், இந்தப் புதிய சர்ச்சை கிரிக்கெட் வட்டாரத்தில் பெரும் விவாதத்தை ஏற்படுத்தியுள்ளது.
