ஈரோட்டில் தமிழக வெற்றி கழகத்தின் பிரம்மாண்ட பொதுக்கூட்டம் நேற்று நடந்து முடிந்தது. இந்த விழாவை முன்னிட்டு, கட்சியின் பொதுச்செயலாளர் புஸ்ஸி ஆனந்த் அவர்கள், அக்கட்சியின் தலைவர் விஜய்க்காகக் கோவிலில் சிறப்பு அர்ச்சனை செய்துள்ளார். அப்போது அர்ச்சகர் ராசி மற்றும் பெயரைப் பற்றிக் கேட்டபோது, “ஜோசப் விஜய், கடக ராசி” என்று புஸ்ஸி ஆனந்த் அவர்கள் குறிப்பிடும் காணொளி தற்போது சமூக வலைதளங்களில் காட்டுத்தீயாகப் பரவி வருகிறது.
தலைவரின் ராசி என்ன என்பது குறித்த அதிகாரப்பூர்வத் தகவல் இவ்வளவு வெளிப்படையாக வெளியானதைத் தொடர்ந்து, தவெக தொண்டர்கள் மிகுந்த உற்சாகத்தில் உள்ளனர். “நானும் கடக ராசி தான்”, “தலைவரும் நானும் ஒரே ராசி” என நெட்டிசன்கள் பலரும் தங்களது மகிழ்ச்சியை இன்ஸ்டாகிராம் மற்றும் ட்விட்டர் பக்கங்களில் பதிவிட்டு வருகின்றனர். இந்த ‘கடக ராசி’ வைரல் காணொளி தற்போது இணையத்தில் பெரும் விவாதத்தையும் கொண்டாட்டத்தையும் ஏற்படுத்தியுள்ளது.
