பஸ்களில் 500 ரூபாய் நோட்டு கொடுத்து டிக்கெட் வாங்கும் போது, கண்டக்டர் “பாக்கி பிறகு தரேன்” எனச் சொல்லி கடந்து செல்லும் தருணங்கள் பெரும்பாலான பயணிகளுக்கும் மனச்சாந்தியை பறிக்கக்கூடியவை. பாக்கி ரூ.1 முதல் ரூ.50 வரையிலும் இருக்கும் என்றாலும், அதை பெறுவதற்கான நிலைமை சில நேரங்களில் பயணத்தில் முழு கவனத்தையும் ஈர்க்கும் அளவிற்கு வலுவடைகிறது.
இந்நிலையில், இத்தகைய நிலைமையை பிரதிபலிக்கும் ஒரு ஏ.ஐ உருவாக்கிய வீடியோ வைரலாகியுள்ளது. அதில், ஒரு சிறுவன் பஸில் பயணம் செய்யும் போது கண்டக்டரிடம் தனது பாக்கி பணத்தை கேட்டுக்கொள்கிறான். “சேட்டா… டிக்கட்டுக்கான மீதிப் பணத்தை கொடுத்திருந்தால், வேற ஏதாவது நல்ல விஷயம் நினைத்திருக்கலாமே!” என அந்தக் குழந்தை சொல்லும் வசனம் பஸில் உள்ள அனைவரையும் சிரிக்க வைத்தது. இந்த வீடியோக்கு கீழ் வந்த பல ரசனையான கருத்துக்களில், “பாக்கி கிடைக்கும் என்கிற மனஅமைதி இல்லாமலேயே பயணிக்கிறோம்”, “எங்க ஸ்டாப்புல பஸ் நிக்குமா என்கிற டென்ஷனும் வேற இருக்கு” என்பவை குறிப்பிடத்தக்கவையாகும்.
சிலர் “கண்டக்டர் ஸ்டாப்புல நிக்காம போயிட்டார்னா?” என்ற கவலையிலும், “பெல்லடிக்கலேன்னா என்ன செய்வது?” என்ற சந்தேகத்திலும் பயணிக்கிறார்கள் என்பதும் உண்மை. அதேபோல், இறங்கும் நேரம் வந்தபோதுதான் பாக்கி கேட்க மறந்துவிட்டதாக உணர்வதும், சில சமயங்களில் பயணிகள் மற்றும் கண்டக்டர்களுக்கு இடையே வாக்குவாதம் ஏற்படுவதும், இதில் சண்டை வெடிப்பதற்கும் வாய்ப்புண்டு. இந்த ஒரு ஏ.ஐ வீடியோ நம்மை சிரிக்க வைத்தாலும், பஸ்களில் பயணிக்கும் அனைவரின் அனுபவங்களை உணர்த்தும் வகையில் உள்ளது என்பது குறிப்பிடத்தக்கது.
