உத்தரப்பிரதேச மாநிலம் பாலியா மாவட்டத்தில் உள்ள மணியார் நகரம் அருகே அமைந்துள்ள நவ்கா பாபா கோயில் கடந்த சில ஆண்டுகளாக ஒரு மர்மம்  நிறைந்த தெய்வீகத் தளமாக திகழ்ந்து கொண்டிருக்கிறது. நாட்டின் பல பகுதிகளில் இருந்து மக்கள், பேய் பிடிப்பு, தோல் நோய்கள் மற்றும் மனநலப் பிரச்சனைகளுக்கான தீர்வுகள் தேடி இங்கு திரளாக வருகை தருகின்றனர். இந்தக் கோயிலில் ஆண்டுதோறும் நவராத்திரி விழா நாட்களில் நடத்தப்படும் “பேய்களின் கண்காட்சி” (Ghost Fair) மக்கள் மத்தியில் பெரும் பரபரப்பை ஏற்படுத்தி வருகிறது.

இந்தக் கோயிலின் பழங்கதையைப் பொருத்தமட்டில், பண்டைய காலங்களில் இப்போது பீகார் மாநிலத்தில் உள்ள மகத் பகுதியில் இருந்து இரண்டு சகோதரர்கள் இங்கு வந்ததாகக் கூறப்படுகிறது. அவர்கள் மிகுந்த முயற்சியுடன் இப்பகுதியை சுத்தம் செய்து கோயிலை நிறுவியதாக நம்பப்படுகிறது. அந்த நேரத்தில் காட்டில் வசித்த ஒரு சூனியக்காரி, இரு சகோதரர்களையும் கொன்று அவர்களின் ஆன்மாக்களை ஒரு பெட்டியில் பூட்டி வைத்தாள்.

ஆனால், அந்த ஆன்மாக்கள் தங்கள் சக்தியை இழக்கவில்லை. அந்த சக்தியின் தாக்கத்தால் சூனியக்காரி அதே நெருப்பில் எரிந்து சாம்பலானாள் என்றும் கூறப்படுகிறது. பின்னர், அந்த இரு ஆன்மாக்கள் மக்களின் கனவுகளில் தோன்றி, இங்கு கோயிலை நிறுவ ஊக்குவித்ததாக நம்பப்படுகிறது. இப்போது, ஆண்டுதோறும் நவராத்திரி விழா நாள்களில் இங்கு “பேய்களின் கண்காட்சி” நடக்கிறது. இதில், பேய் பிடிப்பு, சூனியம் போன்ற பிரச்சனைகளுக்குத் தீர்வு கிடைக்கும் என நம்பப்படும். இந்த நிகழ்வுகளைப் பார்வையிட நாடு முழுவதிலும் இருந்து ஆயிரக்கணக்கானோர் வருகிறார்கள். சிலர் பயத்துடன், சிலர் பரவசத்துடன் இந்த நிகழ்வுகளை காண்கின்றனர்.

இக்கோயிலில் தோல் நோய்கள், குறிப்பாக தொழுநோய், வெள்ளைப் புள்ளிகள் போன்றவை குணமடைகின்றன எனவும், மனநலக் கோளாறுகளுக்கும் நிவாரணம் வழங்கப்படுவதாகவும் பூசாரி ஸ்ரீராம் உபாத்யாய் தெரிவித்தார். கோயிலின் பிரசாதம் மற்றும் சிறப்பு சிகிச்சைகள் மூலம் பலர் நன்மை அடைந்ததாக கூறப்படுகிறது. “ஒருமுறை வருபவர்கள், விருப்பம் நிறைவேறியதும் மீண்டும் பிரசாதம் வழங்க வருகிறார்கள்” என பூசாரி கூறுகிறார்.

மேலும் சமீபத்தில் சமூக ஊடகங்களில் வைரலான வீடியோ ஒன்றில், ஒரு பெட்டியில் பூட்டப்பட்ட இரண்டு ஆன்மாக்கள் மற்றும் சாம்பலாகும் சூனியக்காரி பற்றிய காட்சிகள் பரவலாகப் பகிரப்பட்டன. “இந்தக் கண்காட்சியை பார்த்த பிறகு, உங்கள் ஆன்மா நடுங்கும்” என அந்த வீடியோவில் பகிரப்பட்ட கருத்து தற்போது இணையத்தை கலக்கி வருகிறது.