இந்திய திரையுலகில் தனித்த அடையாளம் உருவாக்கியுள்ள நடிகர் ஃபஹத் பாசில், சமூக வலைதளங்களுக்கும், நவீன டெக்னாலஜிகளுக்கும் அத்தனை ஆகாதவராக இருப்பது அனைவருக்கும் தெரிந்த விஷயம். ஸ்மார்ட் போன் கூட வைத்திராமல், மிக எளிய கைபேசியையே பயன்படுத்துவதாக அவர் மற்றும் அவரது நெருங்கியர்கள் பலமுறை கூறியுள்ளனர்.
அதைக் தெளிவுபடுத்தும் வகையில், சமீபத்தில் இயக்குநர் அபிநவ் சுந்தர் இயக்கும் ‘மொல்லிவுட் டைம்ஸ்’ படத்தின் பூஜை விழாவில் பங்கேற்றபோது, ஃபஹத் பாசில் கைபேசியில் பேசுவது போல ஒரு வீடியோ சமூக வலைதளங்களில் வைரலாகியுள்ளது. அதில் அவர் பயன்படுத்திய கைபேசி ஒரு சாதாரண பட்டன் போன் தான். ஆனால் அதுவும் விலை உயர்ந்த, பிரமாண்டமான மாடல் என்பது தான் ஆச்சர்யம்.
View this post on Instagram
ரூ.5 லட்சம் மதிப்புள்ள ‘Vertu Ascent Ti’ கைபேசி!
பிரபல தொழில்நுட்ப காண்டென்ட் கிரியேட்டரான Effin M தனது இன்ஸ்டாகிராம் பக்கத்தில் வெளியிட்ட வீடியோவில் ஃபஹத் பாசில் பயன்படுத்திய போன், Vertu Ascent Ti என கண்டறியப்பட்டுள்ளது.
இந்த கைபேசி 2007ஆம் ஆண்டு அறிமுகம் செய்யப்பட்டு, 2008ல் விற்பனைக்கு வந்தது. தற்போது உற்பத்தி நிறுத்தப்பட்டுள்ள இந்த மாடல், டைட்டேனியம் மெட்டல், சாப்பையர் கிரிஸ்டல் ஸ்கிரீன் மற்றும் கைதைத்த லெதர் கொண்டு தயாரிக்கப்பட்டது. அறிமுகமான போது இதன் விலை ரூ.5.54 லட்சம் ஆக இருந்தது.
தற்போது இந்த போனை புதியதாக வாங்க முடியாதாலும், சில வாடிக்கையாளர்-to-வாடிக்கையாளர் வலைதளங்களில் ரூ.1 முதல் 1.5 லட்சம் வரை விலையில் சில pre-owned கைபேசிகள் கிடைக்கக் கூடும் என கூறப்படுகிறது.
இதேவேளை, வெளியான செய்தி ஒன்றில் ஃபஹத் பயன்படுத்திய போன் Vertu Ascent Retro Classic Keypad Phone எனும் மற்றொரு மாடல் இருக்கலாம் என்றும், அதன் விலை $11,920 (சுமார் ரூ.10.2 லட்சம்) எனவும், தற்போது அது விற்பனைக்கு இல்லை எனவும் குறிப்பிட்டுள்ளது.
2025-ம் ஆண்டு ‘மாரீசன்’ படத்துடன் திரும்பும் ஃபஹத்
2024ஆம் ஆண்டு ‘ஆவேஷம்’, ‘வேட்டையன்’, ‘பூகன்வில்லா’, ‘புஷ்பா 2: தி ரூல்’ ஆகிய வெற்றிப் படங்களை கொடுத்து, ஃபஹத் பாசில் சர்வதேச அளவில் பாராட்டப்பட்ட நடிகரானார்.
தற்போது, 2025-ம் ஆண்டு ஜூலை 25-ஆம் தேதி வெளியாக இருக்கும் ‘மாரீசன்’ படம் மூலம் திரையுலகில் மீண்டும் பறக்கிறார். இதில் அவர், ‘மாமன்னன்’ படத்தில் உடன் நடித்த வடிவேலுவுடன் மீண்டும் இணைந்து நடித்துள்ளார்.
வலைதளங்களில் வைரலாகும் இந்த வீடியோ, ‘ஸ்மார்ட் போன் இல்லையென’ சொல்லும் ஃபஹத் பாசிலின் இயல்பு வாழ்வின் புது பக்கம் போல பரபரப்பை உருவாக்கியுள்ளது.
