அதிமுக சட்டமன்ற உறுப்பினர் பதவியை அதிரடியாக ராஜினாமா செய்துவிட்டு, இன்று தமிழக வெற்றி கழகத்தில் (தவெக) இணைந்த முன்னாள் எம்.எல்.ஏ மரகதம் குமரவேல், தவெக-வின் முக்கிய நிர்வாகி ஆதவ் அர்ஜுனாவிடம் நெகிழ்ச்சியோடு பேசியுள்ளார். தவெக-வில் அதிகாரப்பூர்வமாக இணைந்த பிறகு ஆதவ் அர்ஜுனாவைச் சந்தித்த அவர், “தவெக ஆட்சிப் பொறுப்பேற்ற இந்த 15 நாட்களிலேயே மறைந்த மாண்புமிகு ‘அம்மாவின்’ (ஜெயலலிதா) மக்கள் நல ஆட்சியை நாங்கள் கண்முன்னே பார்க்கிறோம்” என்று அதிரடியாகத் தெரிவித்துள்ளார்.

​அதிமுக கோட்டையை உலுக்கிவிட்டு தவெக-வில் ஐக்கியமாகியுள்ள மரகதம் குமரவேல், கட்சியின் நிர்வாகத் திறமையையும் மக்கள் செல்வாக்கையும் வெகுவாகப் பாராட்டியுள்ளார். அதிமுக-விலிருந்து விலகிய கையோடு, தவெக-வின் செயல்பாடுகளை ‘அம்மா’ ஆட்சியோடு ஒப்பிட்டு அவர் பேசியுள்ள இந்தச் சூடான கருத்து, அதிமுக மற்றும் தவெக ஆகிய இரு தரப்பு அரசியல் வட்டாரங்களிலும் மிகப்பெரிய விவாதத்தையும் பரபரப்பையும் கிளப்பியுள்ளது!