பொழுதுபோக்கிற்காகவும் சமூக ஊடகங்களில் புகழ்பெற்றவராக மாறவும் ஆபத்தான செயல்களில் ஈடுபடுவது தற்கால இளைஞர்களிடையே அதிகரித்து வருகிறது. அந்த வகையில், ஒரு இளைஞர் கொடிய விஷமுள்ள ராஜநாகத்தை பிடித்து, அதைத் தன் கைகளிலும் கழுத்திலும் சுற்றிக்கொண்டு வீர சாகசம் செய்ய முயன்றுள்ளார்.

மேலும் தொடக்கத்தில் அந்தப் பாம்பு அமைதியாக இருப்பது போல் தெரிந்தாலும், திடீரென ஆக்ரோஷமடைந்து அந்த இளைஞரின் கைகளிலும் கழுத்திலும் பலமுறை கொடூரமாகக் கடித்தது. தற்காப்பு ஏதுமின்றி பாம்புடன் விளையாடிய அந்த இளைஞர், சில நிமிடங்களிலேயே நஞ்சு உடலில் ஏறியதால் துடிதுடித்து சம்பவ இடத்திலேயே உயிரிழந்தார்.

“>

இந்த அதிர்ச்சியூட்டும் சம்பவம் சமூக வலைதளங்களில் வைரலாகி வருவதுடன், வனவிலங்குகளிடம் இத்தகைய ஆபத்தான விளையாட்டுகளைத் தவிர்க்க வேண்டும் என்ற எச்சரிக்கையையும் விடுத்துள்ளது. “வீரன்” என்று தன்னை நிரூபிக்க நினைத்த அந்த இளைஞரின் முயற்சி, இறுதியில் அவருக்கு எமனாக முடிந்தது பெரும் சோகத்தை ஏற்படுத்தியுள்ளது.

இந்நிலையில் பாம்புகள் மற்றும் வனவிலங்குகள் ஒருபோதும் மனிதர்களுக்குக் கட்டுப்பட்டவை அல்ல என்பதை உணர்ந்து, அவற்றிலிருந்து பாதுகாப்பான தூரத்தைப் பேணுவதே அறிவார்ந்த செயலாகும். தேவையற்ற சாகசங்கள் உயிருக்கே ஆபத்தாய் முடியும் என்பதற்கு இந்தச் சம்பவம் ஒரு கசப்பான பாடமாகும்.