இந்திய இளம் கிரிக்கெட் நட்சத்திரம் திலக் வர்மா, ஜிம்பாப்வே வீரர் பிராட் இவான்ஸின் வேண்டுகோளை ஏற்று அவரது சகோதரிக்கு நெகிழ்ச்சியான வீடியோ ஒன்றை அனுப்பி பலரது பாராட்டுகளைப் பெற்று வருகிறார். சமீபத்தில் சென்னை சேப்பாக்கம் மைதானத்தில் நடைபெற்ற டி20 உலகக் கோப்பை போட்டியில் ஜிம்பாப்வே அணிக்கு எதிரான ஆட்டத்தில் இந்திய அணி அபார வெற்றி பெற்றது.

மேலும் போட்டிக்குப் பிறகு, ஜிம்பாப்வே வேகப்பந்து வீச்சாளர் பிராட் இவான்ஸ் திலக் வர்மாவைச் சந்தித்து, தனது சகோதரி ரெபக்கா திலக் வர்மாவின் தீவிர ரசிகை என்றும், அவருக்காக ஒரு வீடியோ பதிவை வழங்க முடியுமா என்றும் கோரிக்கை விடுத்தார்.

இதனால் இதை முகம் சுளிக்காமல் ஏற்ற திலக் வர்மா, ரெபக்காவிற்காக ஒரு பிரத்யேக வீடியோவை பதிவு செய்தார். அதில், “ரெபக்கா, நீங்கள் எனது ரசிகையாக இருப்பதற்கு மிக்க நன்றி. உங்களது சகோதரர் ஒரு அற்புதமான பந்துவீச்சாளர், இந்த ஆட்டத்தில் அவர் மிகச்சிறப்பாக செயல்பட்டார்.

இந்நிலையில் நான் ஜிம்பாப்வே வரும்போது உங்களை நேரில் சந்திப்பேன் என்று நம்புகிறேன்,” என அன்புடன் குறிப்பிட்டுள்ளார். மைதானத்திற்கு வெளியே இந்திய வீரர் காட்டிய இந்த பெருந்தன்மை மற்றும் எளிமையான பண்பு சமூக வலைதளங்களில் வைரலாகி ரசிகர்களிடையே நெகிழ்ச்சியை ஏற்படுத்தியுள்ளது.