இந்திய அணியின் கேப்டன் ரோஹித் சர்மா தனக்கு பிடித்த பேட்டிங் பார்ட்னர் குறித்து பதிலளித்துள்ளார்.
இந்திய அணியின் கேப்டன் ரோஹித் சர்மா எந்த வீரருடன் பேட்டிங் செய்ய விரும்புகிறார்? ரோஹித் சர்மா தனக்கு பிடித்த பேட்டிங் பார்ட்னர் குறித்து பதிலளித்துள்ளார். ரோஹித் சர்மா விராட் கோலி அல்லது சுப்மான் கில் போன்ற வீரர்களுக்குப் பதிலாக 37 வயதான ஷிகர் தவானுடன் பேட்டிங் செய்ய விரும்புகிறார். ஷிகர் தவான் எனக்கு பிடித்த பேட்டிங் பார்ட்னர் என்று ரோஹித் சர்மா கூறினார். ரோஹித் ஷர்மாவும், ஷிகர் தவானும் ஒருநாள் கிரிக்கெட் வரலாற்றில் மிகவும் வெற்றிகரமான ஜோடிகளில் ஒன்றாக இருப்பதாக புள்ளி விவரங்கள் காட்டுகின்றன.
ரோஹித் சர்மா மற்றும் ஷிகர் தவான் ஆகியோர் 117 இன்னிங்ஸ்களில் 5193 ரன்கள் சேர்த்துள்ளனர். 2013ஆம் ஆண்டு சாம்பியன்ஸ் டிராபியின் போது முதல் முறையாக ரோஹித் தவானுடன் ஓபன் செய்தார். மேலும் கடந்த 2022ஆம் ஆண்டு டிசம்பர் 7ஆம் தேதி டாக்காவில் நடந்த 2வது ஒருநாள் போட்டியின் போது வங்கதேசத்திற்கு எதிராக கடைசியாக ரோஹித் – தவான் இருவரும் ஒன்றாக ஆடியுள்ளனர். அதன்பின் இருவரும் ஜோடி சேரவில்லை.
ரோஹித் சர்மா ஷிகர் தவானுடன் பேட்டிங் செய்ய விரும்புகிறார் :
அதே நேரத்தில், ரோஹித் சர்மாவும், விராட் கோலியும் 86 முறை ஒருநாள் போட்டிகளில் ஒன்றாக பேட் செய்துள்ளனர். 86 ஆட்டங்களில் இரு வீரர்களுக்கும் இடையே 5008 ரன்கள் பார்ட்னர்ஷிப் இருந்தது. எனக்கும் ஷிகர் தவானுக்கும் இடையிலான பிணைப்பு சிறப்பாக உள்ளது என்று இந்திய அணி கேப்டன் ரோஹித் சர்மா தெரிவித்துள்ளார். களத்திலும், களத்திற்கு வெளியேயும் எங்களது பிணைப்பு சிறப்பாக உள்ளது. நாங்கள் இருவரும் பல ஆண்டுகளாக ஒன்றாக கிரிக்கெட் விளையாடியுள்ளோம் என்றார். ஷிகர் தவானுடன் விளையாடுவது எனக்கு மிகவும் பிடிக்கும் என தெரிவித்துள்ளார்.
ரோஹித் சர்மா ஏன் ஷிகர் தவானுடன் விளையாட விரும்புகிறார்?
ஷிகர் தவான் எப்போதுமே உற்சாகம் நிறைந்தவர் என்று ரோஹித் சர்மா கூறினார். இந்த வீரருக்குள் அற்புதமான உற்சாகம் இருக்கிறது. ஷிகர் தவானைச் சுற்றி இருக்கும் போது, வேடிக்கையான சூழல் நிலவுகிறது என்று இந்திய கேப்டன் கூறினார். ஆனால், தற்போது இந்திய அணியில் ஷிகர் தவான் இடம்பிடிக்கவில்லை. இந்த வீரர் உலகக் கோப்பைக்கான இந்திய அணியில் இடம் பெறவில்லை. இதற்கு முன் ஷிகர் தவான் ஆசிய கோப்பையில் விளையாடவில்லை. ஷிகர் தவான் கடைசியாக ஐபிஎல் 2023 இல் களத்தில் காணப்பட்டார்.
