இயற்கையின் விசித்திரமான படைப்புகளில் கூழைக்கடா   பறவைகளுக்கு மிக முக்கியமான இடமுண்டு. ஆங்கில எழுத்தான ‘V’ வடிவத்தில் வானில் அணிவகுத்துச் செல்லும் இந்த அழகிய பறவைகளின் வான்வழிப் பயணம் அனைவரையும் கவரும் ஒன்றாகும். நீண்ட தூரப் பயணத்தின் போது காற்ற்றின் எதிர்ப்பைக் குறைக்கவும், தங்களுக்குள் ஆற்றலைச் சேமிக்கவும் இவை இந்த சிறப்பான அமைப்பில் பறக்கின்றன.

கூழைக்கடாக்களின் மிக முக்கிய சிறப்பு அம்சம் அவற்றின் அலகின் கீழே அமைந்துள்ள நெகிழும் பையுருவ அமைப்பாகும் .  இந்த அமைப்பைப் பயன்படுத்தி நீரிலிருந்து மீன்களை அப்படியே அள்ளுகின்றன. நீரோடு சேர்த்து மீனை அள்ளிய பின், நீரை மட்டும் வெளியேற்றிவிட்டு மீனை முழுமையாக விழுங்கும் இக்கலை, இயற்கையின் மிகச் சிறந்த வேட்டை நுட்பங்களில் ஒன்றாகும்.

இப்பறவைகள் வெறும் வேட்டைக்காரர்கள் மட்டுமல்ல, சிறந்த சமூக அமைப்பைக் கொண்டவைகளும் கூட. கூட்டமாகச் சேர்ந்து மீன்களை ஒரே இடத்தில் வளைத்துப் பிடிக்கும் அளவுக்கு இவற்றிற்கு இடையே கூட்டுறவு அதிகம். மேலும், இனப்பெருக்க காலத்தில் ஆயிரக்கணக்கான கிலோமீட்டர்கள் கடந்து, ஏரிகள் மற்றும் நீர்நிலைகள் நிறைந்த பாதுகாப்பான இடங்களுக்கு வலசை  வரும் குணம் கொண்டவை.

நீர்நிலைகளின் சூழலியல் சமநிலையைப் பேணுவதில் கூழைக்கடாக் காரர்களுக்குப் பெரும்பங்கு உண்டு. நமது தமிழகத்தின் வேடந்தாங்கல், கூத்தன்குளம் போன்ற புகழ்பெற்ற பறவைகள் சரணாலயங்களுக்கு ஆண்டுதோறும் வருகை தரும் இந்த விருந்தாளிகள், நமது இயற்கை வளத்தின் செழுமையை உலகிற்கு உணர்த்தும் சான்றுகளாகத் திகழ்கின்றன.