விஜய் மற்றும் ரஷ்மிகா மந்தனாவின் திருமணத்திற்காக விஜய்யின் தந்தை கோவர்தன் ராவ், பிரதமர் நரேந்திர மோடியை நேரில் சந்தித்து அழைப்பு விடுத்துள்ளார். இருப்பினும், பிரதமர் மோடி தற்போது ஈரான் நாட்டிற்கு அரசு முறைப் பயணம் மேற்கொண்டுள்ளதால், இந்தத் திருமண விழாவில் அவரால் நேரில் கலந்துகொள்ள முடியாத சூழல் ஏற்பட்டுள்ளது. இந்தியாவின் மிக முக்கியமான ஒரு நட்சத்திரத் திருமணத்தில் பிரதமர் பங்கேற்பார் என எதிர்பார்க்கப்பட்ட நிலையில், அவரது பயணம் குறுக்கிட்டுள்ளது.
தன்னால் நேரில் வர இயலாத காரணத்தால், மணமக்களுக்குத் தனது வாழ்த்துகளைத் தெரிவிக்கும் வகையில் பிரதமர் மோடி ஒரு சிறப்புக் கடிதத்தை அனுப்பியுள்ளார். அந்தக் கடிதத்தில், விஜய் மற்றும் ரஷ்மிகாவின் திருமண வாழ்க்கை மிக அற்புதமாக அமைய வேண்டும் என்றும், அவர்கள் வாழ்நாள் முழுவதும் ஒருவருக்கொருவர் சிறந்த நண்பர்களாகத் துணையிருக்க வேண்டும் என்றும் மனதார வாழ்த்தியுள்ளார். பிரதமரின் இந்த வாழ்த்து மடல் சமூக வலைதளங்களில் தற்போது காட்டுத்தீயாய் பரவி வருகிறது.
