நுங்கம்பாக்கில் உள்ள புதிய தமிழகம் கட்சி தலைமை அலுவலகத்தில் இன்று  டாக்டர் கிருஷ்ணசாமி நிருபர்களுக்கு பேட்டி அளித்தார். அவர் கூறியதாவது, விஜயை கைது செய்ய வேண்டும் என்று சிலர் கூறுவது தொடர்பான விசாரணைகள் தெளிவாக நடத்தப்பட வேண்டுமெனவும், ஒருவரை ஒருவர் குற்றம் சுமத்திக் கொள்வது சரியல்ல எனவும் அவர் தெரிவித்தார்.

“விஜய்யை கைது செய்ய வேண்டும் என்று சிலர் கூறிக் கொண்டிருக்கிறார்கள்; இதன் பின்னணி என்ன என்பதையே முதலில் கண்டுபிடிக்க வேண்டும். ஒருபக்கம் முழுமையாக குற்றம் சாட்டுவது உண்மைக்கு விரோதம்,” என்று அவர் கூறினர். “இந்த சம்பவத்தை கொண்டு விஜய்யை அரசியலிலிருந்து வெளியேற்ற திட்டமிட்டு காழ்ப்புணர்ச்சியோடு செயல்படுவதை நாம் ஏற்றுக்கொள்ளமாட்டோம். அவரை முழுமையாக முடக்க வேண்டும் என்ற நோக்கோடு செயல்படுவது நிச்சயமாகத் தவறு,” என்றும் அவர் தெரிவித்தார்.

ஏற்கனவே காவல்துறையினர் விஜய்யின் மாநாடுகளை கவனித்து வருகிறார்கள். கட்சியினரே அல்லாமல் பொதுமக்களும் அவரைக் காண வருவார்கள். அந்தச் சூழ்நிலையில் பிரசாரத்துக்காக ஒதுக்கிய இடம் சரியல்ல; இதனை காவல்துறை அவரிடம் தெளிவாக அறிவுறுத்தி உள்ளனர். பெரிய வாகனமாக இருந்தபோதும், குறுகிய பாதையில் குவிந்திருந்த மக்கள் இடையே செல்கிறபோது, கொடுக்கப்பட்ட இடத்திலேயே நீங்கள் பேச வேண்டும் என்று காவல்துறை வலியுறுத்தி நுழைத்து வைத்திருக்கிறது,” என்று அவர் குறிப்பிட்டார்.

சம்பவம் நடந்த உடனே காவல்துறை விஜய்யை உடனடியாக வெளியேறச் சொன்னதா அல்லது அவர் தான் தன்னிச்சையாக வெளியேறினாரா என்னவென்பது போன்ற விவரங்கள் அனைத்தும் வெளிச்சம் பெற வேண்டும்; இவற்றை வெளிப்படையாக விசாரணை நடத்தி விளக்கமாக்க வேண்டும் என்றார். “கரூர் சம்பவத்துக்குப் பிறகும் விஜய் வீட்டிலேயே முடங்கி கிடக்காமல் வெளியே வர வேண்டும். சம்பவம் நடந்த 7 நாட்களுக்குப் பின்னர் கூட வெளியில் வராமல் இருப்பது ஒரு அரசியல் தலைவரின் பார்வையில் நல்ல நிலை அல்ல,” என்றும் அவர் கூறினார்.

மேலும், “தமிழ்நாட்டில் கூட்டணி ஆட்சிக்கு கொடுத்த நல்ல நோக்கத்துடன் விஜய் அரசியலுக்கு வந்துள்ளார். அவரை முற்றிலும் முடித்துவிடுவதை நோக்கமாகக் கொண்டு செயல்படுவது ஏற்றது அல்ல” என்று கூறி விசாரணையின் அவசியத்தை மீண்டும் வலியுறுத்தினர்.