தமிழ் சினிமாவில் உச்ச நட்சத்திரமாக இருக்கும் நடிகர் விஜய் தற்போது வம்சி இயக்கத்தில் தில் ராஜு தயாரிப்பில் வாரிசு என்ற திரைப்படத்தில் நடித்துள்ளார். இந்த படத்தில் ராஷ்மிகா மந்தனா ஹீரோயினாக நடிக்க, சரத்குமார், பிரகாஷ் ராஜ், யோகி பாபு, சாம் உள்ளிட்ட பல பிரபலங்கள் முக்கிய வேடத்தில் நடித்திருக்கிறார்கள். இந்த படம் கடந்த 11-ஆம் தேதி திரையரங்குகளில் ரிலீசாகி வெற்றிகரமாக ஓடிக் கொண்டிருக்கிறது.

இந்நிலையில் வாரிசு திரைப்படத்தின்வெற்றியை ஹைதராபாத்தில் வைத்து படகுழு கொண்டாடியுள்ளது. இந்த பார்ட்டியில் தளபதி விஜயும் கலந்து கொண்டுள்ளார். படத்தின் வெற்றி கொண்டாட்டத்தில் படக்குழு கேக் வெட்டி கொண்டாடியுள்ளனர்.

இந்த கொண்டாட்டத்தில் நடிகர் விஜய் நடிகர் ஷாம், பாடலாசிரியர் விவேக், இயக்குனர் வம்சி, நடிகர் எஸ்.ஜே சூர்யா, தயாரிப்பாளர்கள் தில் ராஜு உள்ளிட்ட பல பிரபலங்கள் கலந்து கொண்டுள்ளனர். அதோடு இயக்குனர் வம்சியின் மனைவி மற்றும் மகளும் பார்ட்டியில் கலந்து கொண்டுள்ளனர். அப்போது நடிகர் விஜய் இயக்குனர் வம்சியின் மனைவி, மகள் ஆகியோருடன் சேர்ந்து செல்பி எடுத்துள்ளார். மேலும் இது தொடர்பான புகைப்படங்கள் தற்போது சோசியல் மீடியாவில் வைரலாகி வருகிறது.