தமிழக வெற்றி கழகத்தின் பொதுச்செயலாளர் புஸ்ஸி ஆனந்த் பங்கேற்ற பொது நிகழ்ச்சி ஒன்றில் எதிர்பாராத சுவாரசியமான சம்பவம் ஒன்று அரங்கேறியுள்ளது. நிகழ்ச்சியில் திரண்டிருந்த பொதுமக்கள் மற்றும் தொண்டர்களிடையே அவர் உரையாடிக் கொண்டிருந்தபோது, அங்கிருந்த எளிய மூதாட்டி ஒருவர் திடீரென புஸ்ஸி ஆனந்திடம் வந்து, சிலர் தன்னிடம் பணம் கேட்பதாகக் கூறி கம்ப்ளைன்ட் கொடுத்துள்ளார். மூதாட்டி கூறிய புகாரைக் கேட்டதும், பதற்றமடையாமல் நிலைமையை மிகவும் எதார்த்தமாகவும் நகைச்சுவையாகவும் கையாண்டுள்ளார் புஸ்ஸி ஆனந்த்.

​அந்த மூதாட்டியின் புகாருக்கு மிகவும் யதார்த்தமாக பதிலளித்த புஸ்ஸி ஆனந்த், “யார் பணம் கேட்டாலும் கண்டிப்பா கொடுக்கவே கூடாது! அதெல்லாம் அந்த காலம், இப்போ அப்படி இல்லை” என்று ஜாலியான பாணியில் உண்மையை எடுத்துரைத்தார். எளிய பாட்டியின் சந்தேகத்திற்குப் புரியும் வகையில் சிரித்தமுகத்துடன் அவர் கூறிய இந்த நக்கல் பேச்சு, அங்கிருந்த தொண்டர்களிடையே பெரும் சிரிப்பலையையும் வரவேற்பையும் ஏற்படுத்தியது.

​மேலும் தனது பேச்சைத் தொடர்ந்த அவர், தவெக தலைவர் விஜய் அவர்களின் கண்டிப்பான அணுகுமுறையைச் சுட்டிக்காட்டி ஜாலியாக எச்சரித்தார். “யாராவது காசு கேட்டா கொடுத்துடாதீங்க… மீறி அப்படிப் பணம் கொடுத்து, விஷயம் தெரிந்தால் உன் புள்ள இருக்குல்ல… முதலமைச்சர் விஜய் பிச்சி எடுத்துருவாரு!” என்று கலாய்க்கும் பாணியிலும் அதேசமயம் எச்சரிக்கும் தொனியிலும் பேசினார்.

​கட்சியின் பெயரையோ அல்லது அதிகாரத்தையோ பயன்படுத்தி யாராவது தவறு செய்ய நினைத்தால் தலைவர் விஜய் அதைச் சற்றும் பொறுத்துக் கொள்ள மாட்டார் என்பதை புஸ்ஸி ஆனந்த் தமக்கே உரிய பாணியில் ‘ஃபன்’ ஆக உணர்த்திய வீடியோ தற்போது சோசியல் மீடியாவில் பயங்கர வைரலாகி வருகிறது.