சோனிபட் ரயில் நிலையத்தில் படம்பிடிக்கப்பட்ட வீடியோ ஒன்று தற்போது சமூக வலைதளங்களில் பெரும் விமர்சனங்களைச் சந்தித்து வருகிறது. அந்த வீடியோவில், ரயில் நிலைய நடைமேடையைச் சுத்தம் செய்யும் பணியாளர் ஒருவர், நடைமேடையின் மூலைகளில் இருந்த குப்பைகளைத் திரட்டி ஒரு இடத்தில் குவிக்கிறார்.

பார்ப்பதற்கு அவர் தூய்மைப் பணியைச் சரியாகச் செய்வது போலத் தோன்றினாலும், யாரும் கவனிக்காத நேரத்தில் அந்தப் பணியாளர் ஒட்டுமொத்த குப்பையையும் ரயில் தண்டவாளத்தின் மீது கொட்டுகிறார். நடைமேடையைச் சுத்தம் செய்வது போல் காட்டிக்கொண்டு, குப்பையைத் தண்டவாளத்தில் வீசிய இவரது செயல், இணையத்தில் பலருக்கும் அதிர்ச்சியை ஏற்படுத்தியுள்ளது.

இந்த வீடியோவைச் சமூக வலைதளங்களில் பார்த்த பலரும், “இப்படித்தான் ரயில் நிலையங்களைச் சுத்தப்படுத்துகிறார்களா?” என்று ஆவேசமாகக் கேள்வி எழுப்பி வருகின்றனர். ஒரு இடத்தைச் சுத்தம் செய்வது என்பது குப்பையை மற்றொரு இடத்திற்கு மாற்றுவதல்ல, அதை முறையாக அகற்ற வேண்டும் என்பதே அனைவரின் கருத்தாக உள்ளது.

“>

 

தூய்மைப் பணியின் பெயரால் நடத்தப்படும் இந்த அலட்சியமான செயல், ரயில் நிலையங்களின் பராமரிப்பு மற்றும் தூய்மைப் பணிகள் குறித்த நம்பகத்தன்மையைப் பெரும் கேள்விக்குள்ளாக்கியுள்ளது. இதுபோன்ற செயல்களில் ஈடுபடுபவர்கள் மீது உரிய நடவடிக்கை எடுக்க வேண்டும் என்று நெட்டிசன்கள் வலியுறுத்தி வருகின்றனர்.