ஐபிஎல் 2026 தொடரில் ராஜஸ்தான் ராயல்ஸ் அணியின் 15 வயது இளம் வீரரான வைபவ் சூர்யவன்ஷி, ஜஸ்பிரித் பும்ரா மற்றும் டிரெண்ட் போல்ட் போன்ற உலகின் தலைசிறந்த பந்துவீச்சாளர்களின் பந்துகளை எதிர்கொண்ட முதல் பந்திலேயே சிக்ஸர் விளாசி அனைவரையும் வியப்பில் ஆழ்த்தியுள்ளார்.

இந்நிலையில், இன்று நடைபெறவுள்ள டெல்லி கேப்பிடல்ஸ் அணிக்கு எதிரான போட்டியில், ஆஸ்திரேலியாவின் நட்சத்திர வேகப்பந்துவீச்சாளர் மிட்செல் ஸ்டார்க்கை அவர் எதிர்கொள்ள உள்ளார். சூர்யவன்ஷியின் துணிச்சலான பேட்டிங் முறை மற்றும் பேஸ்பால் பாணி பேட் ஸ்விங் ஆகியவை அனுபவம் வாய்ந்த பந்துவீச்சாளர்களையே திணறடித்து வரும் சூழலில், ஸ்டார்க்கிற்கு எதிரான இந்த மோதல் பெரும் எதிர்பார்ப்பை ஏற்படுத்தியுள்ளது.

இருப்பினும், மேற்கிந்தியத் தீவுகளின் முன்னாள் ஜாம்பவான் இயன் பிஷப், ஸ்டார்க்கிற்கு எதிராக சூர்யவன்ஷி அதே போன்ற அதிரடியை வெளிப்படுத்துவது கடினம் என்று கருத்து தெரிவித்துள்ளார். மிட்செல் ஸ்டார்க் பும்ராவை விட மிகவும் திட்டமிட்டு சவால்களை எதிர்கொள்வார் என்றும், சூர்யவன்ஷியின் பலவீனங்களை அறிந்து அவர் பந்துவீசுவார் என்றும் பிஷப் குறிப்பிட்டுள்ளார்.

இந்நிலையில் அவர்கள் அதே சமயம், சூர்யவன்ஷியின் மன உறுதி மிக வலுவாக இருப்பதால், இந்த விமர்சனங்களை அவர் ஒரு சவாலாக ஏற்றுக்கொண்டு மைதானத்தில் பதிலடி கொடுப்பார் என ரசிகர்கள் ஆவலுடன் காத்திருக்கின்றனர்.