அமெரிக்கா மற்றும் ஈரான் ஆகிய நாடுகளுக்கு இடையே நீண்ட காலமாக நிலவி வரும் அணுசக்தி ஒப்பந்தம் தொடர்பான பதற்றத்திற்கு மத்தியில், சுவிட்சர்லாந்தில் நடைபெறவிருந்த முக்கிய சர்வதேச மாநாட்டை ஈரான் கடைசி நேரத்தில் புறக்கணித்துள்ளது.
மேலும் ‘அமெரிக்காவுடன் எந்தவித கை குலுக்கலும் இல்லை’ என்ற தங்களின் கடுமையான வெளியுறவுக் கொள்கையை மீண்டும் உறுதிப்படுத்தும் வகையில் ஈரான் இந்த அதிரடி முடிவை எடுத்துள்ளது. இரு நாட்டு பிரதிநிதிகளும் சந்தித்துப் பேசுவதற்கான அனைத்து ஏற்பாடுகளும் செய்யப்பட்டிருந்த நிலையில், ஈரானின் இந்த திடீர் விலகல் உலக நாடுகளின் மத்தியில் பெரும் பரபரப்பை ஏற்படுத்தியுள்ளது.
இந்த இறுதி நேரப் புறக்கணிப்புக்கு பின்னால் ஈரானுக்கு இருந்த ஒருவித அச்சமும், உள்நாட்டு அரசியல் அழுத்தமுமே முக்கியக் காரணம் என்று அரசியல் வல்லுநர்கள் கருதுகின்றனர். அமெரிக்காவுடன் மேடையில் கை குலுக்குவது அல்லது சமரசம் செய்வது போன்ற தோற்றம் ஏற்பட்டால், அது ஈரானின் உள்நாட்டுப் பாதுகாப்பு மற்றும் கொள்கை ரீதியான நிலப்பாட்டிற்குப் பின்னடைவை ஏற்படுத்தக்கூடும் என்று அந்நாடு அஞ்சியதாகத் தெரிகிறது.
இதனால் ஏற்பட்ட தயக்கத்தின் காரணமாகவே, சுவிட்சர்லாந்து மாநாட்டு மேடையைப் பகிர்ந்துகொள்ளாமல் ஈரான் கடைசி நிமிடத்தில் பின்வாங்கியுள்ளது. இந்தச் சம்பவம் இரு நாடுகளுக்கும் இடையிலான சுமுகமான உறவு மற்றும் அணுசக்தி ஒப்பந்த பேச்சுவார்த்தைக்கான சாத்தியக்கூறுகளை மேலும் சிக்கலாக்கியுள்ளது.
